БицIидариз фикир тувай
Пайгъамбари ﷺ гъапну: «Сабпибди бицIириз улупну ккуниб, Аллагь ﷻ Сар вуйивалин гьякьнаан шагьидвал апIру гафар ву: «Ла илагьа иллаллагь…» БицIир ургуд йисандин яшназ гъафиган, дугъаз гъудган апIбан къайдйириканра улупуб лазим ву.
БицIидар, дурариз шубуб шейъ гирами шлуси, вердиш апIинай: дурарикан сабпиб - Пайгъамбарихьна ﷺ ккунивал улупуз, кьюбпиб - Пайгъамбарин ﷺ хизан ва багахьлуйир ккун апIуз, шубубпиб - Кьур’ан урхбахьна ккунивал хьуз, фицики Кьур’ан аьгъю ксар Гъиямат йигъан пайгъамбрарихъди ва жара гьякьлу динагьлийирихъди сатIиди Аллагьу Тааьлайин тахтнан сирникк хьиди, думутIан гъайри жара жюрейин сирин адруган».
Шли учв дюн’яйиъ имиди чан веледдиз Кьур’ан урхуз улупиш, Гъиямат йигъан дугъан кIул’ин женнетдиан вуйи таж (корона) илибиди. Жара гьядисдиъ дупна: «Шли Кьур’ан кIваъланди аьгъю гъапIиш ва гьаддин теклифариз асас духьну уьмур хъапIиш, гьадрарин абйир-бабарин кIулариин Аьхю диван апIру Йигъан тажар иливиди, гьадрарин акушин ригъдин аквтIан акуб хьибди…»
Ичв веледариз гирами Кьур’ан урхуз улупай. Думу гизаф савабнан ляхин ву
