Гъалибвалин йигъ тебрик апIура

Гъалибвалин йигъ тебрик апIура

Ассаламу аьлайкум ва рагьматуЛлагьи ва баракатугь (у)! Гьюрматлу ватанагьлийир! Дагъустандин мусурмнарин терефнаан ва хусуси вуди йиз терефнаан улубкьурайи Гъалибвалин йигъахъди ихь аьхю гьюкуматдин вари ватанагьлийир кIваантIан тебрик апIураза! Аллагьу Тааьлайин амриинди ихь абйир-бабари, дугъриданна, Аьхю ва лайикьлу Гъалибвал гъадабгъну.

Му йигъан ухьу ихь абйирин игитвалар ва гьацира Аьхю дявдин пашман йигъар кIваин апIурхьа. Гьарсариз читин имтигьян улупну, гьарсаб хизандик думу кубкIну, гьаруриз пашманвал улупну ва миллионариинди инсанарин уьмриъ читин шил гъибтну. Пайгъамбарин гьядисдиъ дупна: «Инсанариз гьямд дарапIрури, Аллагьдизра гьямд дарапIур» (имам Аьгьмад, Абу Давуд, Ат-Тирмизи). Гьаци вуйиган, ухькан гьарури гъи ихь кIул’ин ислягь`валин зав гъибтуз себеб гъахьидариз чухсагъул дупну ккунду. Яшлу ксариз чпин читинвалар алдауз кюмек апIури, жвувхьан шлуси дурар жюрбежюр мюгьтаж’валариан адауз чалишмиш шули, гафнииндира, апIру ляхнииндира дурариз кюмек апIури духьну ккунду. Анжагъ гьаму машквар йигъантIан ваъ, хъа чпиз кюмек ккуни гьарвахтнара дурар кIваин апIури гъитну ккунду.

Гьюрматлу ветеранар! Учвуз варидариз кIваантIан Аллагьдин рягьимлувал ва кюмек ккун апIураза! Гъит сарун гьичра мициб дяви ухьуз дярябкъри! КIваантIан учвуз, ичв багахьлуйириз ижми иман, сагъ’вал, шадвал ва гьарган кIул’ин ислягь`валин зав алди хьуб ккун апIураза.

АЬГЬМАД АФАНДИ АЬБДУЛАЕВ РД-ЙИН МУФТИЙ

2026-07-01 (Мугьяррам 1448 г.) №7.


Гирами Кьур’андиан вуйи насигьятар

Гирами Кьур’ан инсаниятдин аьхиризкьан варидариз насигьят вуди дебккнайиб ву. Аллагьу Тааьлайин душваъ дупнайи гафарихъди гъягъюри гъахьиш, инсандиз му жилиинра, аьхиратдиъра аьхю ужувлар шул. Магьа ичв фикриз гирами Кьур’андин «Гьюжурат» сурайиан вуйи насигьятар туврача....


Шуран абйир-бабариз даккунди вушра, думу хпирди гъадагъуз шулин?

Никягь апIувалин шартIарикан саб риш чан вали касди швуваз тувувал ву. Хъа дугъан вали ксарикан сарпир вуди шуран адаш шула. Эгер адашиз ккундарш, думу шурахъди фици никягь диврухъа?   Жара рякъяр агури лицуб герек дар. Эгер гьадму шурахъди гележег ккабалгуз ккундуш, сабпи нубатнаан дугъан...


Жаназа гъудган шли дапlну ккуниб ву?

Жаназа гъудган мусурмнарин жямяаьтдиин али фарз ву (фарз аль-кифая). Гьаддиз, эгер жямяаьтдин арайиан сар касдикьан жаназа-гъудган алапlиш, имбударилан фарз алдабхъура ва дурариз гунагьра шулдар. Хъа сарикьан думу ляхин дарапlиш, вари жямяаьт гунагьнаъ шулу.   Жаназа-гъудган сар касди апlуб...


Гьаму дюн’ятIан заан вуйи гъудган

Гьаму дюн’я ва вари му дюн’яйиъ айибтIан заанди ва багьалуди вуйи гъудган айин?   Имам Муслимдихьан вуйи Пайгъамбарин ﷺ гьядисдиъ гьамци дупна: ركعتا الفجر خير من الدنيا وما فيها   «ГвачIниндин гъудгнин улихь вуйи кьюб ракааьт суннат-гъудган заанди ву гьаму...


Аьжузвалихьан уьрхюз себеб шлу гирами аятар

Инсанди апIру заан ужувлан ва савабнан ляхнарикан саб гирами Калам урхуб ву. Мусурман касдиз думу урхбан саваб шула, гьеле думу дидин мянайин гъаври шуладаршра.   Амма, эгер урхурайириз дидин мянара аьгъяди, убхурайибдикан фикирра апIури гъабхьиш, дицир касдиз хъанара гизаф саваб ва Аллагьу...