Даими гыйбадәт кылуның әҗере
Даими гыйбадәт кылуның әҗере
Бер яшь егет үзен тулысынча гыйбадәт кылуга багышлый һәм көннәрен һәм төннәрен гыйбадәттә үткәрә. Аның танышлары: “Нигә шулкадәр үзеңне бетерәсең? Ял ит”, - диләр.
Ул җавап биреп болай ди: “Бервакыт мин җәннәт сарайларының берсен күрдем ул алтын һәм көмеш ташлардан төзелгән иде. Балконы да алтын-көмештән ясалган. Ике балкон арасында (ягъни һәрбер бүлмәдә) хур кызлары бар. Алар шулкадәр матурлар ки, әлегә кадәр андый матурлыкны күргәнем булмады. Аларның маңгай чәчләре җилкәгә кадәр төшеп тора. Шунда берсе миңа елмаеп карады һәм аның тешләренең аклыгы җәннәтне яктыртты. Миңа елмайган хур кызы әйтте: “Әгәр мине үзеңнеке итәргә теләсәң, Аллаһка көнен һәм төнен гыйбадәт кыл, шул вакытта мин синеке, ә син минеке булырсың” – диде. Аннан соң мин уянып киттем. Һәм шуннан соң көннәрне һәм төннәрне гыйбадәттә үткәрү ул минем вазифам булып калды”.
Нәсихәт:
Әгәр кеше бер хур кызы өчен генә дә шулкадәр гыйбадәт кылырга тиеш булса, хур кызларының хуҗасы булу өчен ул никадәр гыйбадәт кылырга тиеш булыр икән?
Һәрбер игелекнең авырлыгы бар. Бу дөньяга да, ахирәткә дә кагыла. Иң кыйммәтле ташлар җирнең иң тирән урыныннан чыгарыла һәм кулланырга әзер булганчы бик күп төрел этапны уза.
Шуңа күрә җәннәттәге тормышка ия булу һәм иксез-чиксез игелекләргә ия булу өчен тырышлык кылырга кирәк бу кыска гына итеп бирелгән тормышны гыйбадәттә үткәрергә һәм изге гамәлләр кылып яшәргә кирәк.
Хур кызының “гыйбадәтне Аллаһ ризалыгы өчен кыл” дигән сүзләре гыйбадәтне көнен һәм төнен бары тик Аллаһ ризалыгы өчен генә кылса, ул вакытта Аллаһ иксез-чиксез игелекләр белән бүләкләр дигән мәгънәдә.
