Идбагли ﷺ дурибти ахират гъамбикIнила лишанти
Идбагли ﷺ дурибти ахират гъамбикIнила лишанти
Ахират гъамбикIниличила дурути дахъал лишанти лерти сари халатира диштIатира. Халати лишанти гьачамлис дагьардулхъес дехIдихьили ахIен. Амма иличила бурути диштIати лишанти хIясибдарес вирар.
ДиштIати лишанти:
Дагьрила шайчирти цIябдеш имцIадикIули сари, багьудлуми (динна шайчирти) камдикIули сари.
ЦIябти адамти хIукуматлис бекIдешдирниличи лябкьули саби, илди адамтас буйрухъбикIули саби.
Кепирахъути держ пайдаладирни имцIабикIули саби.
Динна шайчирти къуллукъуни лайикьагарти адамтачи хъардиркули сари.
ГIялимти бунагьуни диранти бетарули саби, диннизи кабизурти адамти цIябдешлизиб саби.
Адамтани чула мурадуни сархес кьасличил цархIилтала хIурматбирули саби.
Хьунрала асарлиу бикили муйли чула бегIтачи къаршили дурабулхъули саби.
Лайикьагарти адамтани жамигIятла ургаб хIурмат сархули саби.
Музыкаличил бархбасунти адамтани гIямрулизиб халаси мер бурцули саби, хIязла ваяхIли имцIали пикри битIикIули саби.
Дахъал дерхIаначилти ахъти юртани лушули сари.
Сагаси наслули чус гьалабси наслу цIябсилизи халбирули саби.
Умутбихьести адамти камби-кIули саби. «Пулан мерличиб гIяхIти адамти теб» бикIес бехIбирхьур.
Пулан адамлис «гIяхIси сай» бикIули хьалли, илизиб селра гIяхIси баргес вирхIейрар.
Адамти кабуршнила, пунтбирнила, бижгурти анцIбукьуни имцIадикIули сари.
Мурул адамти архIяла палтарличил башар.
Сунналичибад чеббулкIули саби ва динничибад тяйдибиубти, ил гъарацIбирути имцIабикIули саби.
Дажжалла шаликартани адамти бархьси гьунчибад чеббулкIахъу.
Гьар мерличибад зулмукартира гуж-зулму дирантира имцIабиубли саби.
Бархьдеш буруси хIелтанбирули саби.
Жагьилтани дахъал бунагьуни диру, хьунул адамти хъархIердешлиубад уббулхъан.
Адамтала ургар диги камдирар.
Бунагьуни гапдирес бехIбирхьур, дин бузахъни цIахси баркьудилизи халбиру.
Динна шайчирти къуллукъуначила хъумкарту.
Хьунул адамтани бекIличир дахъал журабала кIунби-кьапIни диху, илдачир палтар лерли диалра, чIянкIли бирар, кьаркьайчи цIапIакунти палтар диху.
Муйлас вершадеш дирути хьунул адамти бахъбиур, къехIбадеш имцIадирар.
Исламлизибад ца уцун кавлан, Дурхъаси Кьуръайзибадра ца чебиъни кавлан.
Адамти гIялимтачи лехIхIей-хъути бетарар ва имцIали цIябти адамтала асарлиу биркур.
Гьанна хIушани Идбагли ﷺ 1400 дус гьалар гьандушибти лишанти ишбархIила гIямруличил цугдуцая.
