бекlлибиубси бяхlличи чарухъес

Идбагла ﷺ мижитличила тамашала баянти

Идбагла ﷺ мижитличила тамашала баянти
  1. Аллагьла Расулли ﷺ сунени кабизахъурсири кьибла сунела мижитлизиб Иерусалимла шайчи. ГIур замана дикили гIергъи кьибла КягIбаличи барсбарибхIели, югла шайчирти унза кьяпIдарибтири ва северла шайчирад сагати унза абхьибтири.

 

  1. Бусурмантала лугIи имцIабиубхIели, ила лебилра дигути кабурцути ахIенри. ИтхIели 628 ибил дуслизиб бусурманти Хайбарлизиб кабикибси дергълизибад чарбухъунхIели, мижит халабаахъибсири. Ил халабарес ГIусмай ил-алавти мер-муса асибтири.

 

  1. БегI гьалаб мижитла хъалч агарсири. Аллагьла Расул ﷺ улгуси мерличибцун сабри кIапIбарибси бурх лебси. Кьибла КягIбаличи барсбарибхIели, адамти даим илаб хIербирутири, ислам дин руркъули ва гIибадат бирули.

 

  1. Мадинала халкь имцIабикIуцад, илабти адамти кабарцахъес мижитра имцIабирусири. Халиф ГIумарла манзил 638 ибил дуслизиб ва халиф ГIусма манзил 650 ибил дуслизиб илала чIябар халабаахъибсири.
  2. БегI гьалаб барибси къубба урца сабри. ГIур ил гъургъашинни картIибсири ва сагабарибсири. Нушала манзилла къубба къаркъала барили, гъургъашинни кIапIбариб ва шинишли рангбарили саби.

 

  1. Рауда - мутаххара - ил Идбагла ﷺ хIябла ва мимбарла ургабси мер саби ва хасси баракатли бицIибси.

 

  1. СултIан ГIябдул - Меджидла манзил мижит ункъбарили сагабарибсири. ГIябдуллагь Зугьди-эфендизи каллиграфияла хIянчи хъардарибтири. Мадинализив 7 дус кали, илини луцри ва къубба аятунани, хIядисунани ва кьасыдунани делкIунтири. Абзурли илини делкIунти белкIанала гIеркъадеш 2000 метрла кьадар саби. Гьанналичи бикайчи илдигъунти чилилра хIеделкIун.

 

  1. ХIяжликьянабас гьуни кункбарес багьандан. СултIан ГIябдул -ХIямид 2 - ибилли ХIиджазла мегьла гьуни тIашбатурсири. 1908 - ибил дуслизиб биалли, Идбагла ﷺ мижитлизи хутIла шала букибсири.

 

2026-02-01 (ШягIбан 1447 д.) №2.


Дурхъаси Лайлатуль Кьадрила дуги

Бусурмантала умматлис Лайлатуль Кьадрила дуги хасси тяхIярла шабагъат саби, чусра УркIецIила ВегI Аллагьли ﷻ пешкешбарибси. Кьуръайзиб бурули саби: «Лайлатуль Кьадрила дуги азир базличиб дурхъаси саби» или. Илала мягIна – 1000 баз, чузибра Лайлатуль кьадрила дуги агарти. Ил дуги...


МухIяммад Идбагла ﷺ баракатла хьунри

Жувайрият МухIяммад Идбагла ﷺ хьунул Жувайрият Бану Мусталакь кьамла бекI Харисла рурси сарри. Ил бану Мусталакь кьамличилси дергълис гIергъи ясирбуцибти-ургар лерсири. Илис Барра бикIусири. Ил сунела кьамлизивадси узикьар Мусафия бин Сафванна хьунул сарри, сайра ил дергълизив алхунси. Ил...


ШягIбан базличила баянти

Ил базла хасдешуни: цаибил – ил баз нушала Идбагла ﷺ базлизи халбируси саби; кIиибил - ил базлизив дубурцни гIяхIил чебиули саби;  хIябъибил – ил базлизиб Бараатла дуги леб.   «Аллагьлиﷻ лерил Сунени акIахъубтала кьисматуни ШягIбан базла байхъайзибси дуги...


Сагабарая буркьунза

Имам аль-Бухарила ва имам аль-Муслимла дурхъати хIядисунала дабзти жузазиб бегIлара гьалабси мерличибси хIядислизиб бурили саби: «Гьалжанализи хьурахIейру сунела тухумтачил бархбас къяббердахъибси». Тухумтачил бархбас хIебузахъни бусурман диннизиб халаси бунагьлизи халбирули саби....


Бархьдеш

ЦархIил тяхIярли биэсра хIебирар…   Гьалабван нуни Интернетлизиб ца ролик чебаира. Илав профессорли гьалабси парталичи кариибси студенткази «дурарухъен аудиториялизирад ва гьаннала гIергъи хIу чераэс хIейги дила лекциябачир» или дуракаиб. Рурси дебали уркIрухъун, селра эс...