Имам Абу ХIамид аль-Гъазали
Имам Абу ХIамид МухIяммад аль-Гъазалини вебкIес гьалаб белкIунси кагъар гьалабирхьулра
«Бурая бисути дила юлдашунази, ну вебкIили чеибти, бурая децIбикIути дила исламла узбази ва рузбази: «Гьанмабиркахъидая, ну гьарли-марли вебкIибси или. Аллагь ﷻ багьандан мадикIудая ил бебкIа саби или. Ну арцан сайра, кьаркьала биалли – дила тIакьа. Ну тIакьализивад дуравхъунра, кьаркьала биалли калун.
Ну вебкIили хIерирусири хIуша-ургав гьанна бикайчи, ну цакамси замана хIерирули калунра, гьанна биалли капайзи уцилра. Гьанмабиркахъидая бебкIа даимси саби или. Илди гIямру сарни багьирая ва илди дигести сари.
Гьанмабиркахъидая бебкIа – ахир, зулму ва изни саби или. Ил ца хъулибад цархIил хъули кайцIуси ганз саби. Касая лерил хIушаб гIягIнити ва архIяличи хIядурли диирая. ХIуша пикричерти ва духути диадалли, гIур цархIил секIайзи мадирхудая.
Балга барая наб баракат ва кумек биахъес ва хIушабра илкьяйдали бирар. Нуша ардякьунра балули – хIуша гIергъити диъниличила. Ассаламу гIялайкум – дила хIушаб гIергъити дугьби. ХIушаб Аллагьли ﷻ берцуди бараб. ГIур се буруси хIушази ишаб…»
Имам Гъазали викIар:
- Гъабзадешчебти адамтала урехиагардеш дергъла манзил багьес вирар.
- Бирхауди бихьести адамтала мардеш багьес вирар бархьдеш агарси ва хIекьдеш уббирхъуси замана.
- Хьуна диги ва мардеш багьес вирар мискиндешла ва агрила манзил.
- Юлдашунала гьарли-марси гьалмагъдеш – децIлизиб ва балагьлизиб бала.
