бекlлибиубси бяхlличи чарухъес

Янилизир пайдалати

Янилизир пайдалати

Янилизир нуша бусягIят думсулра, гьанкI хIебиусин билзулра ва жявли зягIипдиркулра. Иличил барх иммунитет гIяшбиъниличибли цIакьагардирулра. Илгъуна аги витаминти хIедиъниличиблира бируси саби. ХIушаб гьаладирхьулра янилизир имцIали пайдалати цIедеш ва овощуни.

 

  1. Апельсин – пергер цIедеш саби, сунезибра халаси кьадарлизиб С витамин лебси ва иммунитет гIеббурцуси. Илизир кьаркьайзирти агъулати секIал дурайути секIал лерти сари. Илала шин дуженая, салатунази гъдурбиреная.
  2. Мандарин – илизибра леб С витамин ва агъулати секIал дурайути секIал. Илкьяйдали В кьукьяла витаминти, чулира нервабала ибкьдеш убисути ва илди гьунчидуршути.
  3. ГIинц – клетчаткаличил пайдаласи саби. Илини хIилизибси чакар гIягIниси кьадарличиб кавлахъу. Илизиб илкьяйдали кверцетин лебси саби бекIла мехIелис пайдаласи. Халаси пайда касес вирар вегIла мер-мусаличирти гIинцбазибад.
  4. Нар – илини иммунитет ахъбиру, С витамин ва агъулати секIал дурайути секIал лерниличибли, чулира кьаркьа клеткаби мяхIкамдирути. Илди гIебшни дилкьути диалра янилизирра дихIес вирар. Илдала шин дакIахъили дуженая.
  5. Киви – С витаминничил давлачебси саби, суненира уркIила бузери ва иммунет гIеббурцуси. Илкьяйдали К витамин хIи дутнила тяхIяр гьунчибуршуси, Е витамин ва калийралеб.
  6. Банан – дахъал углеводуни ва триптофан лерниличибли цIакь ва гIяхIси гьав лугуси саби. Илдани туми чIумадиру ва нерваби ункъдиру. Илизибси пектинни кьаркьала умубиру, чимхъа-умхитIла бузери ункъбиру.,
  7. Набадари – илизиб ахъси кьадарла бета-каротин лебси саби, нушала кьаркьайзиб А витаминничи шурбулхъуси. Ил витамин хIулбас, камлис ва иммунитетлис пайдаласи саби. Ил миъбяргIяхъес вирар пайдалати секIал калахъес багьандан.
  8. КьехIе – ил давлачебси саби беталаинничил, илини кьаркьа бемдри убису ва агъулати секIал дурайу. Илкьяйдали ил пайдаласи саби уркIила тумас. Салатуназиб букеная ва илизирад шин диреная.
  9. Жерши – витаминтани ва минералтани давлачебси саби, бекIла мехIеличи гIяхIси асар биру. Илини кьаркьайчи вайси асар бирути секIал тIашиэс кумекбиру, чакарла кьдар гьунчибуршу.
  10. Итан жерши – илизир вирусуначи къаршити секIал лерти сари, иличирли гриппличи къаршили иммунитет ахъбиру. Вайси холестерин камбарили гIяхIси ахъбиру, Илкьяйдали илини хIила гъяж гIяшбируси саби, дяхъурби сагъдиру ва бемдри убису.

 

 

 

2026-07-01 (МухIяррам 1448 д) №7.


Дагъистайзиб сагаси хъали баргибти

Палестинализир кадикибти анцIбукьунала манзил 2023 ибил дуслизиб Гъазализибад гечбарибти 200-личибра имцIали адам Дагъистайзи бакIибтири. Илдазибад байхъала биштIати саби.   Илди МяхIячкълала мякьлабси санаторийлизиб мерлабариб, палтар-кьяшличил, хурегличил, техникаличил ва телефонтачил...


Адамдешлизиб ахъти

Дунъяличиб вайтачибра гIяхIти адамти дебали имцIали саби. Сен илдигъунти пикруми дакIиба?   СенахIенну алавчарли кадиркути, гьарилла уркIиличи кьакьадешла ва децIла хIялани дихути анцIбукьуначи хIерхIеили, къияйзи бикибтас кумекла някъ гьабатес къалабати адамти чебиухIели. Тяп илкьяйда биъни...


Имам Абу ХIамид аль-Гъазали

Имам Абу ХIамид МухIяммад аль-Гъазалини вебкIес гьалаб белкIунси кагъар гьалабирхьулра   «Бурая бисути дила юлдашунази, ну вебкIили чеибти, бурая децIбикIути дила исламла узбази ва рузбази: «Гьанмабиркахъидая, ну гьарли-марли вебкIибси или. Аллагь ﷻ багьандан мадикIудая ил бебкIа...


Хьуна гьаларти мура чеблуми

Гьарил адамли сунела хьунуйчилти бархбасуни сунес дигуси тяхIярли кадилзахъа. ШаригIят хIясибли хIерхIейрусини биалли - сунела нафс хIясибли. ЦацабехIтани пахрубирули бирар хьунул урухрарили илизи се-дигара буйрухъбарес бирниличи, ва ил чула цIакьлизи халбирули саби. ЦархIилтани биалли, хьунул...


Юсуф Идбаг

(бехIбихьуд гьалабси номерлизиб)   Буньяминра ватурли, хъайгIи чарбухъун илди, Якьубли хьаркабаиб, урши чинава, или. - Туснакълизив тевал, - иб, - хъулкидеш багьанали, - Хъулкидеш дирухIели, хIушани чебаадав? Ил секIал бирхIебирни балас дила уршили, Аллагьла ﷻ кьадарличи сабурбирисра...