Һәр йортҡа именлек теләп!

Әс-сәләмү ғәләйкүм үә рахмәтуллаһи үә бәракәтүһү, ҡәҙерле дин ҡәрҙәштәр!

“Әс-Сәләм” һүҙенең ғәрәп теленән тәржемәһе – “Тыныслыҡ, именлек, һаулыҡ” тигәнде аңлата. Шулай уҡ был һүҙ Аллаһу Тәғәләнең 99 исеменең береһе булып тора.

Исеменә күрә – есеме, ти халыҡ мәҡәле. “Әс-Сәләм” гәзитен хатта исеме өсөн генә лә таратырлыҡ. Ул һәр йортҡа именлек, һаулыҡ, Аллаһу Тәғәләнең рәхмәтен һәм бәрәкәтен теләп барып инә.

Әлхәмдүлилләһ, гәзит уҡыусыларыбыҙ йылдан-йыл ишәйә бара. Быйыл баҫманың тиражы 4 меңгә етте. Ин шәә Аллаһ, киләһе 2024 йылда ла һеҙ беҙҙең менән ҡалырһығыҙ, тип бик ышанабыҙ.

“Әс-Сәләм” гәзитенең һәр һаны – дәғүәт. “Баҫмағыҙҙы уҡып, иман юлына баҫтым”, – тип яҙылған хаттарҙы уҡыуы күңелде күтәрә.

Пәйғәмбәребеҙ Мөхәммәд (салләллаһу ғәләйһи үә сәлләм) әйткән: “Иман килтермәй тороп, һеҙ Йәннәткә инә алмаҫһығыҙ. Бер-берегеҙҙе һөйә белмәй тороп, иманлы була алмаҫһығыҙ. Бер-берегеҙгә ҡарата һөйөүгә алып бара торған юлды күрһәтәйемме? Үҙ-ара “сәләм” һүҙен таратығыҙ!”

Замандаштарына һөйөү күҙе менән бағып, “Әс-Сәләм” гәзитен таратыу эшендә ҡатнашҡан һәр кемгә Аллаһу Тәғәләнең оло сауаптары һәм рәхмәте ирешһен!

Зөлфиә Ханнанова

2026-03-01 (Рамаҙан, 1447 йыл.) №3.

Кейем кейгәндә «Әл-хәмдү лил-ләәһил-ләҙии кәсәәнии һәәҙәҫ-ҫәүбә үә разәҡанииһи мин ғайри хәүлин миннии үә ләә ҡуүүәһ». Мәғәнәһе: «Мин үҙем көс менән ҡеүәткә эйә булмаһам да (йәғни, ошо кейемде үҙем таба алырлыҡ көс менән ҡеүәткә эйә булмаһам да), миңә ошо кейемде кейҙергән һәм...

Исламдағы «хая» (оялсанлыҡ) тигән төшөнсә бер ҡасан да кешене насарлыҡҡа этәрмәҫ. Дин ғалимдары әйтеүенсә, хая – ул Аллаһу Тәғәлә алдында йәки кешеләр алдында ғәйеп эш ҡылып ҡуйыуҙан ҡурҡыу сәбәпле, күңелдә тыуған баҫалҡылыҡ, тыйнаҡлыҡ. Был күркәм, юғары әхлаҡи сифат кешенең күңел...

Рамаҙан-шәриф айы тамамланғас, шәүүәл айының беренсе көнөндә (ул быйыл 20 мартҡа тура килә) Ураҙа байрамын, ғәрәпсә әйткәндә, Ғийдүл-Фитрҙы, билдәләйәсәкбеҙ, ин шәә Аллаһ Рахмән! Был көндө матур итеп үткәрергә тырышырға кәрәк. Шуға күрә беҙгә байрам көнөндә ниҙәр эшләргә икәнен, ғәйет намаҙының...

650 г фарш 2 һуған тоҙ, борос тәмләткестәр ләүәш (теләк буйынса) 6-8 ағас таяҡса Маринадланған һуған: 1 һуған 1 балғалаҡ аш һеркәһе (9 %) Әҙерләү: Фаршҡа ваҡ итеп туралған һуғанды, тәмләткестәрҙе ҡушып тасҡағыҙ, бер аҙ һуҡҡылап алығыҙ. Һуңынан ярты сәғәткә һыуытҡысҡа...

Беҙ бала саҡта ауылыбыҙ менән уны, Мәзин олатайыбыҙ, тип кенә йөрөттөк. Ғәлимйән Абдулла улы 1881 йылда Йылайыр районының Аралбай ауылында мулла ғаиләһендә тыуған. Атаһы Абдулла Аблаевтың өс улы: Ғәлимйән, Ахунйән, Хәкимйән һәм Кинйәбикә исемле ҡыҙы була. Уландары ла, аталарына оҡшап, дин юлын яҡын...

Һәр йортҡа именлек теләп!