Мәсет булған ерҙә – иман булыр!

Раббыбыҙҙың оло рәхмәте менән ошо көндәрҙә Стәрлетамаҡ ҡалаһында "Мөхәммәтсәлим" мәсете үз ишектәрен асты. Ун ике йыл дауамында төҙөлгән Аллаһу Тәғәләнең мөбәрәк йорто үҙенең күркәмлеге менән күңелде арбай.

Ошо изге эште атҡарып сыҡҡан шәхси эшҡыуар Салауат Миҙхәт улы Яппаровҡа мәсет төҙөүҙә Аллаһу Тәғәләнең ризалығына ирешергә теләгән һәр кем ярҙам ҡулы һуҙған. Айырыуса, Рәйлә Табабилова, Ринат Райманов, Альвина Ғабдрахмановалар ҙур тырышлыҡ күрһәткән.

“Минең бабайым Әһлиуллин Мөхәммәтсәлим Зариф улы Стәрлетамаҡ районы мәсеттәренең беренсе имамы булған. Шуға мәсеткә уның исемен бирҙек тә инде. Заманында Мөхәммәтсәлим бабайыма эйәреп, күп кеше хаҡ иман юлына баҫҡан. Мин дә уның, һәр кеше үҙе артынан яҡшы эш ҡалдырырға тейеш, тигән өгөт-нәсихәттәрен ишетеп үҫтем.

Был иҫ киткес матур Иман йортон төҙөүҙә ҡатнашҡан һәр кемгә бик рәхмәтлемен. Мәсет төҙөү, уның төҙөлөшөнә үҙ өлөшөңдө индереү саҙаҡа-джәриә булып иҫәпләнә. Уның сауабы баҡыйлыҡҡа күскәс тә дауам итә. Ошо мәсеттә ҡылынған һәр бер ғибәҙәт өсөн Аллаһ йортоноң төҙөлөшөндә ҡатнашлығы булған һәр кемгә сауаптары бер туҡтауһыҙ барып торасаҡ”, – ти Салауат Яппаров.

Фәрәт Богданов,

Стәрлетамаҡ ҡалаһы

2026-05-01 (Зөлҡағиҙә, 1447 йыл.) №5.

Стәрлебаш – элек-электән үҙенең мәҙрәсәләре менән дан тотҡан. Архив материалдары буйынса, Стәрлебашта тәүге мәҙрәсә 1720 йылда асыла. Уға Дәүләт Думаһы ағзаһы Мөхәмәтшакир Туҡаев нигеҙ һала. Мәҙрәсәлә көслө дин әһелдәре белем бирә. Әммә мәҙрәсә Ниғмәтулла Биктимер улы Туҡаев (1772-1844 й.) һәм...

Йәш сәйәхәтсе аҡыл эйәһендә туҡталған. Ул хужаның бар мөлкәте бер бәләкәй генә бүлмә, китаптар өйөлгән өҫтәл, ятып йоҡларға һике икәнен генә белеп шаҡ ҡатҡан. Йәш кеше: «Остазым, ә ҡайҙа һеҙҙең йорт йыһаздары?» – тип һораған аптырап. – Ә ҡайҙа һинеке? – тигән...

Аллаһу Сөбхәнәһү үә Тәғәлә кешене ашау һәм эсеүгә мохтаж итеп яратҡан. Көнсығыш медицинаһы, Аллаһ тарафынан яратылғандарҙан − кеше булһынмы, хайуанмы, үҫемлекме – һәммәһенең тәбиғи торошон, сифатын һыуыҡ, йылы, ҡоро, еүеш кеүек дүрт элемент билдәләй, тип раҫлай. Дөрөҫ туҡланмау сәбәпле, ошо...

Хәҙерге заман технологиялары һәм социаль селтәрҙәр үҫеше менән быға тиклем булмаған яңы психик ауырыуҙар килеп сыҡты. Әле ун биш йыл элек был психик ауырыу тураһында бер кем дә белмәне. Һүҙем – цифрлы аҡылһыҙлыҡ тураһында. Интернетҡа, телефонға, социаль селтәргә бәйле булғанға уны шулай...

Рубрикабыҙҙың бөгөнгө ҡунағы – бар ғүмерен йәш быуынды уҡытыу-тәрбиәләү эшенә бағышлаған уҡытыусы, филология фәндәре кандидаты, хаҡлы ялға сыҡҡас, Илеш районы Дөмәй ауылы мәсетендә 16 йыл дини ғилем биргән Зәмзәмиә Әхиәр ҡыҙы Ҡазыханова. – Йылдың иң шатлыҡлы байрамдарының...

Мәсет булған ерҙә – иман булыр!