Тауыҡ итенән ләүәштә татлы бәлеш
Ләүәш - 2 киҫәк + аҡ май
Эслек өсөн:
тауыҡ филеһы - 500-600 г
100 г сыр
тоҙ, борос, паприка
Ҡойор өсөн:
2 йомортҡа
1 стакан һөт
130 г он
1 балғалаҡ ҡамыр йомшартҡыс
тоҙ, тәмләткестәр (ҡоро һарымһаҡ, прованс үләндәре һ.б. - теләк буйынса)
Тауыҡ итен майҙа ҡыҙҙырып, тәм буйынса тәмләткестәр ҡушырға.
Сырҙы ҡырғыс аша үткәреп, яртыһын бер аҙ һыуынған тауыҡ итенә ҡушып болғатырға.
Эслек өсөн барлыҡ ингредиенттарҙы бергә ҡушып яҡшылап туғырға.
Ләүәш киҫәктәрен йомшаҡ аҡ май менән һылап, табаға урынлаштырырға (төбө сиселгән табаны алһағыҙ ҙа була, ләүәш остарын өҫкә ҡаратып ҡуйырға).
Өҫтөнә эслекте һалып, шыйыҡ массаны ҡойорға, ҡалған сырҙы һибергә.
180 градусҡаса ҡыҙған мейестә 30 минут бешерергә.
Әҙер бәлештең өҫтөн теләгәндә йәшел үләндәр менән биҙәргә.
Аштарығыҙ тәмле булһын!
