Аслияб гьумералде

ЦIалдолезул пикраби

ЦIалдолезул пикраби

Газеталъул ахирисеб номералда кьун букIана «КигIанасеб къадаралъ нужеца Къуръан цIалулеб?» абураб суал. Гьелъие рачIарал жавабал кьолел руго гъоркьехун.

  • Щибаб къоялъ цо сагIатгун бащадалъ цIалула хирияб Къуръан.
  • Цо къоялъ цо тIамач, цогидаб къоялъ щуго тIамач, лъабабилеб къоялъ цо жуз.
  • Къойил 10 минуталъгIаги цIаличIого толаро.

Хадусеб номералъе суал «Хасалил заманалда гьабулеб аслияб хIалтIи щиб букIунеб нужер?»

  • Къойида жаниб 15-20 минуталде вахуна.
  • БитIахъе бицани, щибаб къоялъ цIалун бахъунаро. 10- 15 минуталъ цIалулин абизе бегьула. Ният буго кIванагIан цIикIкIун цIализе.
  • Жеги цониги жо цIализе лъаларо. Къуръан цIализе ругьунлъизе бокьун буго. Лъарабго тIадчIей гьабила. ИншааЛлагь.
  • Къуръаналъул цIар бахъидал телефон ракIалде щола. Халид-асхIабас абураб гIадин, ниж машгъул гьарунин Къуръан цIалиялдаса. Жакъа нилъ телефоналъ Къуръаналдаса машгъул гьарулел руго. Телефоналъе кьолебгIан заман Къуръаналъе кьолеб букIарабани, гьеб рекIехъе лъазе букIун батила.
  • Къуръан гIемер цIалуларо. 100 проценталъ рокьи гьечIого букIиналъги батила. Бокьилаан гьелда тIасан макъала хъвани, ай Къуръан кин цIализе байбихьилебин абун.
  • Къуръан цIализего лъаларо. Ана гьаб гIумру гъапуллъиялда. Аллагь тIаса лъугьинин абураб хьул буго.
  • Паризаял каказулъ цIалулеб малъани, чанго минут кколеб батила.
  • Къуръан цIализе мадрасалде хьвадулев вуго. ГIага-шагарго цо сагIаталъ букIуна дарс.
  • БитIун абуни, Къуръан цIали кидаго нахъе ккун хутIула, гьелдаса кIудияб ракI бухIиги букIунаро.
  • Дун вуго хIафиз. Нижеца къойил щуго жуз рекIехъе бицине ккола. ТIубараб къо уна гьеб цIалулаго.
  • Къуръан цIалиялде биччала, рогьалил как бан хадуб, бащдаб сагIат, кьижилалде цебе дагьаб заманалъ цIализеги хIаракат бахъула, амма кIиабилеб нухалъ цIали гьоркьо-гьоркьоб гурони гьабун кколаро.
  • ТIубараб къоялъ хIалтIуда вукIуна. Рокъове вачIиндал хъизан-агьлуялде заман биччала. Къуръан рогьалил какда хадуб цо чанго минуталъ цIалула.

ХIурматиял цIалдолел. Газеталъул щибаб номералда, «ЦIех-рех» абураб рубрикаялда гъоркь, нужее кьезе буго цо-цо суал. Гьелъие жаваб битIизе бегьула СМС хIисабалда гьаб номералде (ватцап): 7-988-458-16-63. Нужеца ритIарал жавабал рахъизе руго хадусеб номералда.

  • Радал-бакъанида вирдазда хадуб цIалула хирияб Аллагьасул Каламги.
  • Гьанже байбихьана мадрасалде ине Къуръан цIализе ругьунлъизе. Алиф лъазабулеб буго. Хьул буго лъагIалида жаниб Къуръан цIализе кIвелин абун. Аллагьас кумек гьабеги.
  • Школалъул дарсалги гьарун, эменгун цадахъ, гIодов чIола цо-кIиго сагIаталъ Къуръан цIализе ва къокъал сураби лъазаризе.

ХIурматиял газета цIалулел! ХатIалъуларев инсан вукIунарелъул, бокьилаан газеталда ккараб гъалатI нижеда лъазабуни. Газеталда рорхизе бокьарал суалал, макъалаби, пикраби ратани гьаб 7 988 458 16 63 номералде ахIизе ва хъвазе бегьула.

2026-08-15 (РабигIул аввал 1448 с.) №16.


ЧIаголъиялъе сабаб

Бищун лъикIаб цIоблъун букIиналдалъун Аллагьасги ﷻ нугIлъи гьабураб, инсанасе ва цоги ракьалда бугеб чIагояб жоялъе нигIматлъун кьураблъун ккола лъим. Къуръаналда буго (магIна): «Дица ﷻ лъимги гьабуна кинабго жо чIаголъизе сабаблъун», - абун, ай гьеб лъим гьечIого рухI бугебщинаб чIаго...


«Инсаналъ» ахIулел руго

Дагъистаналда аза-азар хъизамалда захӀмалъаби дандчӀвала лъимал школалде хӀадурулаго. ГӀемерисез лъимал школазде ритIула хIажатаб алат босизе налъиги гьабун. «Инсан» фондалъ тӀобитӀулеб «Лъимал школалде хӀадур гьаре» абураб акциялъ кумек гьабулеб буго лъималазе хӀажатабщинаб...


ХIакъаб жоялдаса инкар гьаби

Къуръаналдагун Аварагасул ﷺ хIадисазда рехсарал бищунго хIинкъи бугел рекIел гIунгутIабазда гъорлъ буго чIухIи ва гIамалкIодолъи. Нилъер диналда гьеб кIиябго мунагь рикIкIуна гIемерал цогидал мунагьазул кьибиллъун ва инсан Аллагьасда ﷻ цеве рихаравлъун лъугьинавулеб шартIлъун. Гьеб гIицIго...


Риидалил курсал ва торгIо хIай

1 августалда Шамил районалъул ХӀотода росулъ тӀобитӀана риидалил курсазде хьвадулел лъималазда гьоркьоб мини-футболалъул рахъалъ турнир. Къецазда гӀахьаллъана 13 соналде щвезегӀан ригьалъул лъималазул командаби. Турниралъул хӀаси-лалда тIоцебесеб бакI ккуна ТӀидиб росдал командаялъ, кIиабилеб бакӀ...


Имамзабаз дандбана

Дагьал церегIан къоязда Хунзахъ районалъул имамзабаз тIобитIана данделъи. Гьениб бицана районалда бугеб хIалалъул ва рорхана районалъул динияб гӀумруялда хурхарал масъалаби. Хасго кӀвар буссинабуна баракатаб рабиул аввал моцӀ байбихьиялда хурхарал суалазде, гьединго, гьеб заманалда тӀоритӀизе...