Аслияб гьумералде

ЦIалдолезул пикраби

ЦIалдолезул пикраби

Иргадулаб номералъе гьабуна «Лъималазухъе телефон кьолищ нужеца?» - абураб суалалда хурхун цIех-рех. Гьелъие рачIарал жавабал кьолел руго гъоркьехун:

  • Нижер жеги лъимал гьечIо, гьарун хадур кьеларин рукIуна.
  • КьечIого тезе хIаракат бахъулел рукIуна, телефон кодобе щведал лъималаз я абураб гьабуларо, я малъараб босуларо, кин бугониги цоцо кьезеги кьола.
  • Лъаларо кьезе бугищали, жеги чIужу ячун гьечIо. Телефон кодобе кьурал лъимал рихьидал, диразухъего баккизе биччаларин абураб пикру букIуна. Щибха лъалеб Аллагьас I кин хъван бугебали.
  • Кьоларо, нилъеца гьабураб лъималазги босула.
  • КъанагIат гурони кьоларо.
  • КьечIого щиб гьабилеб, кодоса бахъулеб бугеб мехалъ.
  • Кьола, кьечIого щиб гьабилеб, гIодунги кьезабулеб бугелъул.
  • Кьоларо, кьезеги гьечIо. Жо бичIчIулеб гIелалде рахараб мехалъ жидецаго баркала абила.
  • Заман, бакI бихьун кьола, гурони - цIакъ къанагIат.
  • Дурго лъимал телефон гьечIого кигIан заманалъ гIодичIого чIолел?
  • Хъизанго гьечIев дица телефон кинха лъималазухъе кьелеб.
  • Валлагь кьоларо, бихьизегицин, гIамал-хасият хвезабула лъималазухъе телефон кьолеб бугони.
  • КIудияв васасухъе кьолаан, ясалъухъе кьечIо.
  • Цо-цо мехалъ Букварь биччан кьола.
  • Алфавит биччан кьола, щайин абуни гьедин гьабидал васасда гIурус ва ингилис алфавитги лъана, нусиде щвезегIан рикIкIинеги рикIкIуна. Васас бан буго 3,5 сон.
  • Телефон кьечIого таралдаса ясалъул гIадлу роцIцIана.
  • Жигар бахъула бихьизего биччангутIизе, амма дун рокъов гьечIеб заманалда кьун батула.
  • Лъималазул гIадлу хвезабулеб жо батана гьезухъе телефон кьей.
  • КьечIого тезе хIаракат бахъула, ай рокъов вугеб мехалъ дицаго кодобе босуларо.
  • Кьола, фанарик-телефон.

Хадусеб номералъе суал «Щиб гьабиялдалъун нужее хIалхьи, черхалъе рахIат щолеб?»

  • Кьоларо, кьезеги гьечIо.
  • КьечIеб лъикI батана.
  • Цо-цо мехалъ заманги цIан кьола.
  • Нижеца рокъоб лъималазухъе телефон кьоларо, гьеб кьолезда аскIоре щвараб мехалъ лъималазул батIияб хIал лъугьуна.
  • Рокъор ругеб мехалъ кьоларо, амма гьоболлъухъ яги гIадамал ругеб бакIалде къватIире рахъараб мехалъ гьелде руссунгIаги рукIунелъулин абун кьола.
  • Кьоларо, цо ругьунлъараб мехалъ гьелдаса руссинаризе захIмат буго. Телевизоралдасан мультиказухъ ралагьизе риччала. Цо-цояз абула лъималазул цебетIей лъугьинабулеб жоги биччан кьезе бегьунгутIи гьечIин абун. ТIубараб къоялъ гьединаб жоги биччан ругеб мехалъ гьезул ботIрол щиб букIунеб, психика хвеларищ? РакIалда буго, ниж гьитIинаб заманалда телевизоралдаса мультикалгицин дагьа-дагьаб заманалъ гурони рихьизарулароан.

ХIурматиял цIалдолел. Газеталъул щибаб номералда, «ЦIех-рех» абураб рубрикаялда гъоркь, нужее кьезе буго цо-цо суал. Гьелъие жаваб битIизе бегьула СМС хIисабалда гьаб номералде (ватцап): 7-988-458-16-63. Нужеца ритIарал жавабал рахъизе руго хадусеб номералда.

2026-04-15 (Зул къагIида 1447 с.) №8.


Имам АбулхIасан АшгIариясул хIакъалъулъ тIехь

ДРялъул муфтияталъул гIелмияб отделалъ хIадур гьабун буго кIудияв имам АбулхIасан АшгIариясул гIумруялъул ва гIелмуялъул бицараб тIехь.  КватIичIого гьеб бачIине буго къватIибе ва гьелдаса пайда босизе бегьула бокьарав чияс, хасго студентаз, исламияб гIелму лъазабулез.


Казбекалъулазги гьабуна кумек

Казбек районалъул жамагIаталъ, цо сордо-къоялда жаниб, бажарараб кумек гьабуна тIабигIияб балагьалъул квачIикье ккарал Хасавюрт районалъул гIадамазе.  Гьединаб кумек гьабизе ккеялъул бицун цеве вахъана районалъул имамзабазул советалъул председатель ва гьес киналго ахIана бажарарас бажарараб...


Нилъехъ балагьун кьола къимат

Нилъер диналда ритIухълъи ккола цIакъ къимат бугел тIабигIатаздасан. Гьеб ккола инсанасе къимат кьолел жалазул бищун кIвар бугездасанги.   Гьеб ритIухълъиялъ жанире рачуна Аллагьасе ﷻ гIибадат гьабиялъулъ бацIцIалъи гIадал, цинги шаргIиял тIадкъаял тIубай гIадал, Аллагьасдехун бугеб...


«Инсаналъ» кумек гьабулеб буго

Дагъистаналда ккараб тIабигIияб балагьалъул хIасилалда «Инсан» фондалъ гьабулеб кумек буго цIакъго кIвар бугеб. Гьанжеялдего гьез кумек хIажатазе бикьана 20 тонна къайи-цIаялъул ва кванил нигIматазул. Гьединаб кумекин абуни щвана 3000 хъизамалъе. Гьединго «Инсан» фондалъ, къварилъи ккаразе кумек...


КIиябго рокъоб талихI щвела

Нилъер диналда ригьин гьаби буго гIадат гуребги, цIияб гIумруялде гали тIамулеб, гъваридаб рухIияб магIна жиндилъ бугеб динияб къотIи-къай.   ТIадегIанав Аллагьас ﷻ хирияб Къуръаналда абулеб буго (магIна): «ТIадегIанав Аллагьасул ﷻ хIалкIолъиялде тIоритIел гьабулел гIаламатаздасан буго гьес нужее...