Щугоялдаса щуго...

ТIадегIанав Аллагьас ﷻ кьурал нигIматал хIакъаб рахъалде хIалтIизарулел ругони ва гьезухъ щукруги гьабулеб бугони, ТIадегIанас жеги тIадеги хиралъаби кьола. Амма нилъер дунялалъеги ахираталъеги пайда щолеб хIалалъ щукру гьабизе гIемерисеб нухалда нилъеда лъалеб батуларо. Аллагьас ﷻ кьурал нигIматазухъ букIине кколеб хIалалда щукру гьабулеб гьечIони, ТIадегIанас гьеб нахъе босула.

Хирияб Къуръаналда буго (магIна): «Дица кьурал нигIматазе нужеца щукру гьабуни, Дица гьел нужее жеги цIикIкIинаризе руго. Амма нужеца Дир нигIматазде инкар ккуни, нужеда гьел кIочани, ва гьезде щукруги гьабичIони, нужее Дица гьабулеб гIазаб цIакъ къвакIараб букIине буго», - ян (сурату «Ибрагьим», аят 7).

Ибну ГIабасидасан бицунеб буго Аварагасул ﷺ хIадис: «Нужеца щуго жоялдаса пайда босе, цогидаб щуго тIаде бачIинегIан: чIаголъиялдаса - хвел тIаде бачIинегIан, сахлъиялдаса - унти тIаде бачIиналде, парахалъиялдаса – машгъуллъи тIаде бачIиналде, гIолохъанлъиялдаса – херлъи тIаде бачIиналде, бечелъиялдаса – мискинлъи бачIиналде», - ян.

Гьаб щуябго жоялдаса битIун пайда босизе нилъеда лъани, дунял-ахираталда хвасарлъи щола.

Дунялалъул рукъ буго ахираталъе хIадурлъи гьабулеб бакI. ЛъикIаб гьабурасда ахираталдаги лъикIаб батула ва квешаб гьабурасда квешлъи дандчIвала.

Унти тIаде бачIун гурони сахлъиялъе букIинеб кколеб щукру гьабизе нилъеда лъаларо. ТIадегIанав Аллагьас ﷻ инсанасе гIемерал нигIматал кьун руго: бихьизе берал, рагIизе гIундул, кIалъазе кIал ва хутIаралги лугбал. Гьел нигIматазухъ щукру гьабун рагIалде бахъунаро. Гьел лугбузухъ щукру гьабиги ккола, Аллагьас ﷻ сундуе гьел рижун ратаниги, гьелъие гьел хIалтIизари.

Машгъуллъи тIаде бачIиналде парахалъиялдаса пайда босизе лъангутIи ккола ахирзаманалъул унти. Парахатаб заман гIемер бугониги, гъибат-бугьтаналде, телефоназде руссун, чIалгIаде заман тIамун батула.

Херлъи тIаде бачIиналде гIолохъанлъиялдаса пайда босунгутIиги ккола, хадуб ракI бухIулеб жо. ГIолохъанлъиялъул мисал буго ччугIил мисалалда. Кодоб кквезе гьеб кIоларебго гIадин борчIун ун батула гIолохъанаб заманги. Ригьалде рахиндал бичIчIула кин гьеб заман арабали. Гьединлъидал, Аллагьасулги ﷻ Аварагасулги ﷺ нухги ккун, берцинго гьеб тIамизе жигар бахъизе ккола.

Нилъеца пайда босизе ккола мискинлъи тIаде бачIиналде нилъерго бугеб буголъиялдаса. Пайда босизе ккани миллионералги миллиардералги нилъ рукIине кколаро. Бугеб ресалда рекъон гьабизе ккола пайда ва кумек. Кинаб бугониги дунялалъул иш гьоркьобккун садакъа-хайрат метералде тIами ккола шайтIаналъ нилъ гуккулеб нух. ЗахIмалъиялда вукIун хвезабураб гъурущ садакъаде кьей цIикIкIун кири щолеб буго, рес букIун кьураб аза-азар гъурщидасаги.

Салман Ибрагьиханов, ГIортIаколо росдал имам, Болъихъ район

2026-04-15 (Зул къагIида 1447 с.) №8.

БетIергьан Аллагьас щивав чи вижула гIицIавлъун. Гьединго гьесулъ букIунаро щибго къуват, кинабгIаги магIишаталъул бетIергьанлъунги вахъун вачIунаро гьев дунялалде. Гьедин дунялалде лъугьарав чиясе Аллагьас кьола рикIкIун хIалкIоларелгIан гIемерал нигIматал. ТIад ретIине ретIелги, чорхое къуватги,...

ХIурматиял диналъул вацал ва яцал, Дагъистаналда бараб чвахунцIадалъ гьабураб къварилъи нилъее ккола иргадулаб хIалбихьилъун. ТIоцебесеб иргаялда, гIезегIан чи махIрумлъана мина-карталдаса ва магIишаталдаса. Гьайгьай, гьебги ккола тIаде тIамураб хIалбихьилъун. КIиабизе, тIабигIияб...

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна. Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...

Нилъер диналда ригьин гьаби буго гIадат гуребги, цIияб гIумруялде гали тIамулеб, гъваридаб рухIияб магIна жиндилъ бугеб динияб къотIи-къай. ТIадегIанав Аллагьас ﷻ хирияб Къуръаналда абулеб буго (магIна): «ТIадегIанав Аллагьасул ﷻ хIалкIолъиялде тIоритIел гьабулел гIаламатаздасан буго гьес нужее...

ТӀадегӀанав Аллагьас дунял бижана къануназда ва къагӀидабазда рекъон. Нилъеда сверухъ бугебщинаб жо низамалда букӀуна: заманал хисула, планетаби хьвадула, гьел системабазул цонигиял жидецаго чӀезарурал гӀорхъабаздаса къватIиреги кколаро. Амма тӀабигӀаталда къанунал рукӀунел гӀадин,...

Щугоялдаса щуго...