Аслияб гьумералде

Къуръаналъул адабал

Къуръаналъул адабал

Имам СуютIияс данде гьабураб «АлИткъан фи гIулумил Къуръан» абулеб тIехьалдаса росун, хирияб Къуръан цIалиялъул дагьалго адабал рехселин.

- Берцинаб гьаракьалъ цIализе суннатаб буго. Цоги чиясе зарал гьечIони, гьаракь борхун цIалиги мунпагIат бугеб буго: гьелъул асар цIикIкIараб букIуна, рагIарасеги мунпагIат гьабула, цIалулесул ракIги тирхула, макьу-гъафлатги тIаса уна.

- Къиблаялде вуссун гIодов чIезе, Аллагьасе хIелун чIезе рекъараб буго.

- Суратазул ва аятазул тартибалда цIализе рекъараб буго. Цо сурат цIалун тIубан хадуб цогидаб цIализе байбихьила. Аятги тIубан цIализе рекъараб буго.

- КIал бацIцIад гьабизе, сивак бахъизе суннатаб буго.

- Къуръан цIализе байбихьилалде цебе «АгIузу биллагьи» абизе суннатаб буго. Щибаб сура цIалилалде «Бисмиллагь» бахъизеги лъикIаб буго. Сураялъул гьоркьоб бакIалдаса цIализе байбихьаниги, бисмиллагь абизе лъикIаб буго.

- ГIедегIичIого, пикру гьабун, хIурупазул хIакъ тIубан цIализе лъикI буго. Щибаб аяталь бицунеб жоялъул пикру гьабун цIалила.

- Къуръаналда ругел гIазаб бицарал ва хIинкъи кьей бугел аятал цIалараб мехалъ ракI пашманлъун гIодизе рекъараб буго: Аллагьасул гIазабалъул кутакги жиндирго напсалъул кIарчанлъигун гIайибал хал гьабун.

- Берцинаб гьаракьалъ, мухIканаб хIалалъ, Къуръан цIалулев чиги гьеб цIализе виччан гьесухъ гIенеккизе суннатаб буго. Цояз цIалун цогидал гIенеккун иргаялда цIалиги асар щолеб букIуна.

- РекIехъе цIалиялдаса Къуръаналде балагьун цIали кири гIемер щолеб буго: Къуръаналде балагьиги гIибадат буго.

- Къуръан кинабго заманалъ цIализе лъикI буго. Какилъ цIали, сардилъ тIаде вахъун цIали, рузман сордо-къоялъ цIали кири гIемер щолеб жо буго.

- Щибаб анкьго къоялда жаниб Къуръан цIалун тIубайги лъикI буго. Гьедин цIалулеб бугони рузман къоялъ байбихьун хамиз къоялъ тIубазабила. Къуръан тIубайдал дугIа гьаби суннатаб буго: гьеб буго жаваб гьабулеб гIуж. Жиндир агьлу-хъизан данделъун дугIа гьаби гIемерго лъикIаб буго.

Жеги гIемерал суннатал ва адабал руго Къуръан цIалиялда ва гьелъул хIурмат гьабиялда хурхарал. ТІадегIанав Аллагьасул калам бугелъул, гьеб жиндир къадру кIудияб тIехь буго. Щибаб жоялъул къадруялда релълъараб букIуна гьелъул адабхIурмат гьабиги. ТІадегIанав Аллагьас тавпикъ гьабеги Гьесул хирияб калам цIализе, Гьелъул хIурмат гьабизе ва Гьелда рекъон гIамал гьабизе.

ЖАБИР МАЖИДОВ, «АС-САЛАМАЛЪУЛ» МУХБИР

2026-04-15 (Зул къагIида 1447 с.) №8.


БацIадаб ниятгун

Муса аварагасул заманалда гIумру гьабун вукIана цо динияв чи. Гьес Аллагьасе гIибадат гьабулаан, рукъалъул тIохда гIемерал какал ралаан. Цо къоялъ гьесухъеги рачIун цояз бицана гъотIое гIадамаз сужда гьабулеб ахил хIакъалъулъ. Гьебги рагIун, гIащтIиги босун, гъветI къотIизе къасдгун къватIиве...


БакI теларо

Нилъер гIумруялъулъ рукIуна гIадатияллъун рихьулел, амма Аллагьасда цебе кIудияб кIвар бугел жал. Гьединал, кIочон тарал суннатазул цояб ккола как балеб мехалда мухъал ритIизари. ГIемерисез гьеб кIвар кьечIого тола, гьеб битIахъего нилъер какил даражаялда ва гIадамазда гьоркьоб бугеб цолъиялда...


Муфтияталда дандчIвана

ДРялъул муфтияталда, муфтиясул гIакълучIужу ГIайна ХIамзатова, дандчIвана СВОялда араб бакI лъачIого тIагIарал рагъулал хъулухъчагIазул улбулгун ва лъудбигун.  Гьединго, гьеб тадбиралда гIахьаллъи гьабуна Россиялъул БахIарчиясул эбел, МахIачхъала шагьаралъул №54 школалъул директор Сапижат...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


СВОялъулал кIочон толаро

«Зебра» абураб спортивияб комплексалда тIобитIана гьабсагIаталда отпускалда ругел СВОялъул гIахьалчагIазе тадбир. Гьелъул хIаракатчагIилъунги церерахъана «Каспий» батальоналъул имамлъун вукIарав ва гьанже муфтияталъул северияб округалда вугев вакил МухIаммад Мукъошдибиров,...