Аварагасул ﷺ гьими

Авараг ﷺ нилъеда релълъарав вукIаниги жанисан малаик гIадинав вукIана.

Аварагасул ﷺ гьумер, вохидал, гвангъулаан сардилъ кунчIараб моцӀ гӀадин, бацIцIадаб матIу гIадин.

Аварагасул ﷺ ццим бахъин яги рохел гьурмада загьирлъулеб букӀана гьесул рухӀалъул бацӀцӀалъиялъ. Ццим бахъиндал гьесул кIаркьаби багӀарлъулаан.

Гьесул киданиги ццим бахъинчӀо ТӀадегӀанав Аллагьасе ﷻ гӀоло гурони. Гьесул гIумруялдасанги нилъеда бихьула Аварагасул ﷺ гурхӀел-рахӀму, лъикӀлъи, хӀалимлъи кинаб букIарабали. Аварагасул ﷺ гъваридго гIумру лъазабурав чиясда бихьула ва якъинлъула, тӀоцебесеб иргаялда, гурхӀел-рахӀму бугевлъун вукIин.

Вахъун чIун вукIаго Аварагасул ﷺ ццим бахъани, гьебсагӀатго гӀодов чӀолаан. ГӀодов чӀун вукIаго ццим бахъани, хӀаракат бахъулаан вегизе. Гьедин гьабиялъул хIикматги ккола бакI хисиялъ хехго ццим чучлъизабулеб букIин. Аварагас ﷺ насихӀат гьабулаан ццим бахъиндал какие чурейилан.

Амма Аварагас ﷺ гьеб бихьизабуна гӀицӀго жиндирго умматалъе мисаллъун, щайгурелъул, гьесул ццим чучлъизабизе хIажат букIинчIо. Гьесул ццим бахъунароан жиндирго напсалъе ва дунялалъул ишазе гIоло. Гьесул ццим бахъунаан Аллагьасе гӀоло, гьелдаго цадахъ Авараг ﷺ вукIана хIалимав ва берцинго насихIат гьабун бичIчIизабулевлъун.

Авараг ﷺ велъулеб мехалъ, къаси пири пирхулеб гIадин, гьесул кӀалдиса цаби-гӀусазул канлъи къватӀибе бачӀунаан. Гьесул гӀемерисеб мехалъ релъи гьимиялдалъун загьирлъулебги букӀана.

Нилъеда бичӀчӀизе ккола Аварагасе ﷺ асхIабзабаз гьабураб щибаб сипат-сураталда жаниб гъваридаб магӀна букӀин.

Щай гьесул релъи пириялда релълъине гьабураб, масала, моцIрол ва бакъул канлъуда релълъине гьабичIого? ГIемер релъанхъи лъикIаб гьечIелъул, Аварагасеги ﷺ гьеб рекъолароан. Релъанхъи, къаси зодихъ пири пирхи гӀадин, къанагӀатаб жо букӀана. ЦIакъго гIемер релъанхъиялъ ракI чIунтизабула.

Киналго аварагзабиги, гьединго, гӀемер гьимулел рукIана.

2026-06-15 (МухIаррам 1448 с.) №12.

Халкъазда гьоркьосеб лъималазул къо кӀодо гьабун, Каспийск шагьаралда тӀобитӀана «ЦӀуниялда бугеб лъимерлъиялъул канлъи» абураб рахӀмуялъул хъизаналъулаб рекӀин. Гьеб кӀудияб ва унго-унголъунги ракӀ хинлъизабулеб тадбиралда гӀахьаллъана I500-ялдаса цӀикӀкӀун чи — лъимал ва гьезул эбел-эмен. Байрам...

Имам Загьидияс бицана: «Цо нухалда дун, дие бугеб ризкъи Аллагьас ﷻ азалалдаго хъвараб бугинги абун, гьелъул хIалбихьизелъун гIалахалде валагьун къватIиве вахъана. Авлахъалде щведал кIудияб мегIер бихьун, гьелде аскIове индал, гьениб батана нохъо. Жаниве лъугьун, бищун чIегIераб...

ЖужахIалъул цIаялдаса хвасарлъулеб гIамал гьабун хьвади буго нилъер щивасул аслияб мурад. Гьелдаса хвасарлъиги буго муъминчиясе Къиямасеб къоялъ битIккей, щайин абуни, гьеб щвей бугелъул инсанасе Алжаналда кверщел батиялъе гIаламатлъун. Хирияб Къуръаналда буго гьадинаб магIнаялъул...

ДРялъул ЗахӀматалъул ва социалияб цебетӀеялъул министерствоялда тӀобитӀана гьеб идараялъул ва муфтияталъул вакилзабазул данделъи. Тадбир нухда бачана хасаб рагъулаб операциялъул гӀахьалчи ва МахӀачхъалаялъул Централияб мажгиталъул имам ГӀиса Салимсултановас. Гьес бицана иманалъул аслиял рахъазул...

Нилъеца гьаб дунялалда гьабуралъул ахираталде босулелдасан буго гьабураб гIамал. Гьелъ, МухIаммад аварагасул ﷺ умматалдаса нилъги гьарун ругелъул, щивас пикру гьабуни рекъараб буго Аварагасул ﷺ гIамалалда релълъараб чан гIамалдай дица гьабулебин абураб жо. ХIадисалда буго инсанасул жаназа нухда...

Аварагасул ﷺ гьими