Аслияб гьумералде

ХIикматал махлукъатал

ХIикматал махлукъатал

Кьер хисизе кIолеб ччут

 

Хамелеон ккола чорхол кьер хисизе кIолеб ччут. Гьезул буго кIинусгоялдасаги цIикIкIун тайпа. Цо-цоязул бетIер букIуна тIад шлем лъураб гIадаб.

 

Гьелъ кьер хисулеб буго нервабазулъ бугеб хасаб гIуцIиялъул кумекалдалъун. Кьер хисулеб буго  рахчизе гуребги, гIемерал жалазул асаралда гъоркьги. Масала, цIа-кан, лъамалъи, канлъи, къеч, ракъи ва хIатта рекIел хIалалде балагьун. Гьелдаго цадахъ кIолеб буго къаркъалаялъул цо-цо бакIалда кьер хисун тезеги.

Хамелеоналда кIола 360 градусалда сверухъ бугеб бихьизе. Беразул гьединаб гIуцIиялъ кумек гьабула хIинкъи бугел рухIчIаголъаби рихьизе.

Тайпа халгьабун цо-цоязул мацIалъул халалъи букIуна чорходаса 2-3 нухалъ халатабги. КIалдиса къватIибе унелъул пружина кинниги речIчIун уна. Гьебги ккола мацIалда ругел хасал ччорбазул гьунар. Цо ччобори буго хехаб куцалда къватIибе рехулеб, цогидаб - тIадрекIун, чан гьабун щварабги босун, нахъе бачIине кумекалъе хIалтIулеб.

Цо-цо тайпабазул хIатIал руго гъуцIдул гIадал кIийиде рикьарал, щибалда килщал ругел. ГъуцIдул хIалтIизарула гъутIбузда доре-гьанире хьвадизе. ГIумру гьабун хинал улкабазда, гъутIбуздагун хъархъазда рукIуна. ЦIакъ дагь гурони рагъа-рачари гьабуларо. Цояб хIетIе цебе босун хадуб цогияб босизе чанго минут бала. Гьеб заманалда гьоркьоб гьабула рухIчIаголъабазде чанги. ХIажалъи ккедал хехго бекерула ва гIаркьелалдаса гIаркьелалде кIанцIизеги кIанцIула.

Билълъанхъулелъул кумекалъе хIалтIизабула халатаб рачIчI.

ТIанхаздаса щуб чIикIун гурони, данде бакIарараб бакIалдаса лъимги гьекъоларо.

ГIемерисел хамелеоназ лъола хоно. Гьебги - ракьулъ гвендги бухъун. Хоно лъезе гурони ракьалдеги рещтIунаро.

 

МухIаммадгIариф Къурбанов

2026-04-15 (Зул къагIида 1447 с.) №8.


Балагь-къварилъи

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...


Аварагас ﷺ течIеб как

Тагьажуд ккола боголил какдаса хадуб рогьалил как ахIизегIан балеб суннатаб как. Гьеб цIакъ кIвар бугеб какги буго. Гьеб базе бихьизабун буго рогьалил как базегӀан. КигӀан заманалъ кьижаниги, ворчӀун хадуб ва рогьиналде бараб как ккола тагьажуд.   Нагагьлъун, сапаралъ вугев чияс маркӀачӀул...


КIиябго рокъоб талихI щвела

Нилъер диналда ригьин гьаби буго гIадат гуребги, цIияб гIумруялде гали тIамулеб, гъваридаб рухIияб магIна жиндилъ бугеб динияб къотIи-къай.   ТIадегIанав Аллагьас ﷻ хирияб Къуръаналда абулеб буго (магIна): «ТIадегIанав Аллагьасул ﷻ хIалкIолъиялде тIоритIел гьабулел гIаламатаздасан буго гьес нужее...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


Сабру тIагIин буго балагь

Кинаб бугониги балагь бачIиндал, нилъеда ракIалде ккола гьабунщинаб гIадада хванин, дица щиб гьабилебин абун, сабру тIагIуна.   Гьеб буго мекъаб пикру, гьединаб лъугьа-бахъиналда сабру гьабун чIезе ккола. Сабру гьабиялъулъ буго инсанасул къуват, бусурбанчиясул иман. Балагь бачIиндал, гьелъ...