Белгородалда ккараб лъугьа-бахъи-налда бан, муфтияс гьабураб хитIаб
Ассаламу гIалайкум ва рахIматуЛлагьи ва баракатугьу!
ЦерегIан къоязда Белгородалда ккана балагьаб лъугьа-бахъин. ГIадамаз гIумру гьабулеб кварталде гьабуна гьужум. ГIадатиял ва ракълилал гIадамазде гьужум гьабулезда лъолеб цIарги кинал рагIабаздалъун гьелъул бицинебалиги кинго лъаларо. Нилъеда гьебго хIал бихьулеб буго Палестинаялъул ракълилал гIадамал чIвалел рукIиналдасанги. Гьеб буго цIакъ хIинкъараб иш. Щиб гIайибха букIараб, масала, Шебекиноялда гIумру гьабун вугев пенсионерасда? Щиб гIайиб букIараб цогидал гьединалго ракълилал гIадамазда? Гьеб буго цIакъ рекъечIеб ва лъикIаб гуреб иш. Бегьуларо ракъилал гIадамазде гьужумал гьаризе.
Нилъеца щибаб какда хадуб дугIа гьабизе ккола рагъда цересел кьеразда ругел гьалмагъзабазе. ДугIа гьабизе ккола питна-балагьаздаса цIунагийин абун. БетIергьанасда гьаризе ккола нилъер гIолилал чаго-гIатIго ва сах-саламатго рокъо-рокъоре руссагийин абун.
Нилъер улкаялъул президент Владимир Путиница абуна: «Россиялъул цебетIеялда цебе хIетIе кквезе ва россиялъулал рикь-рикьизаризе кIолеб къуват гьечIо. Россиялъул къисмат нилъедаго, ай гIемермиллатазулаб нилъер улкаялда бараб буго. Нилъ ккола цо хъизам ва нилъ жеги къваталлъун лъугьинеги руго».
ХIурматгун, Дагъистаналъул муфти, шайих АхIмад-афанди ГIабдулаев.
