Аслияб гьумералде

Квералъ хъвараб Къуръаналъул цебелъей

Квералъ хъвараб Къуръаналъул цебелъей

Квералъ хъвараб Къуръаналъул цебелъей

МахIачхъалаялда тIобитIана квералъ хъвараб Къуръаналъул цебелъей. Гьеб тадбиралда гIахьаллъана Дагъистаналъул муфти, шайих АхIмад-афанди, ДРялъул миллияб политикаялъулгун диниял ишазул министр Энрик Муслимов ва цогидалги.

Цебегоялдаса нахъе Дагъистаналда загьирлъун букIинчIо квералъ Къуръан хъваялъул хIужа. Гьале гьанже гьеб баракатаб ва захIматаб хIалтIи гьабуна Гъарабудахкент районалъул Параул росулъа художник-каллиграф Сулейман ГIаширгIалиевас.

«Азаргоялдаса цIикIкIун чи вачIун вуго жакъа гьаниве гьаб къанагIатаб, хIикматаб хIалтIи гьабурав Сулейман-хIажиясул хIурматги гьабун.

Баркала буго республикаялъул муфти, шайих АхIмад-афандиеги. Кинаб хIал бугониги, захIмалъи-къварилъи бугеб бакIалда, халкъалъул хIалкъараб мехалда бищун цеве эхетула гьев. Баркала буго гьаб цебелъей хIадурараб гIуцIиялъул комитеталъе. Аллагьас киназего алжаналъул нигIматал къачIан ратаги, дунялалдаго рекъелги даимлъаги», - ян бицана Энрик Муслимовас.

Квералъ хъвараб Къуръаналъул роцен буго 150х75 см, цIайи бахуна 50 килограммалде. Гьеб хъван буго цIакъ къанагIат гурони щолареб кагътида ва берцинго къачIараб хасаб шрифталъ. С. ГIаширлаевас Къуръан хъван буго ункъогун бащдаб моцIида жаниб. Гьес бицана, Къуръан хъвалаго дандчIварал масъалабазулги, гьел тIуразариялъе кумекалъе ратарал гIадамазулги хIакъалъулъ.

«Берцинго хъвазе ккола Аллагьасул калам, Къуръан. Каллиграфиялъе кивниги цIаларав чи гуро дун. Аллагьас кьураб гьунар буго гьеб. Дунялалда тIадго буго каллиграфиялъул анлъго тайпа. Бищунго берцинаблъун рикIкIуна куфиязул шрифт. Берцинал шрифтал сулюсги насхIги кьочIое росун, дица хъвана Къуръан ва гьелда бокьун буго «Дагъистаналъул шрифт» абураб цIар лъезе», - ян абуна гьес.

Данделъиялъул ахиралда ДРялъул муфти, шайих АхIмад-хIажияс дугIа гьабуна Сулейман-хIажиясеги, гьесул хъизамалъеги, тIолалго дагъиястаниязеги ва Палестинаялда ругел бусурбабазеги.

Тадбиралъул ахиралда Энрик Муслимовас шапакъаталги сайгъаталги кьуна Сулейман-хIажиясеги гIуцIиялъул комитеталъул хIаракатчагIазеги.

Гьединго художник-каллиграфас Дагъистаналъул муфтиясе сайгъат гьабуна квералъ бахъараб суратги.

2026-08-15 (РабигIул аввал 1448 с.) №16.


Муфтияталда данделъи тIобитIана

Дагъистан Республикаялъул муфтияталда тӀобитӀана идарабазда гьоркьосеб данделъи. Гьелда гIахьаллъи гьабуна муфтияталъул вакил ИсмагӀилов Мурадица, ГӀалимзабазул советалъул председателасул заместитель КъахIиса МухӀаммадица, Россиялъул МВДялъул Северияб Кавказалъул федералияб округалда бугеб бетӀераб...


Аллагьасул ﷻ разилъи кин щолеб?

Нилъ рижун рати гIададисеб жо гуро. Пикру гьабуни, нилъеда гьеб бичIчIила, щайгурелъул, пикру гьабиялъ нилъ рачуна лъикIаб нияталде, битIараб нухде. Пикру гьаби исламалда беццараб ишги буго. Къуръаналда Аллагьас ﷻ абичIищ нилъ рижанин Гьесие гIибадат гьабизелъун.   Аллагьас ﷻ малъухъе...


Аварагасухъ ﷺ гIашикъав

Увайсул Къарани ккола табигӀиназул цояв. Цо-цояз абула гьев гьезда гьоркьоса бищун тIадегIанав вукIаниланги. ГӀемерисел гӀалимзабаз гьев хириявлъун рикӀкӀуна ХӀасанул Басридасаги, ГӀумар бин ГӀабдулгӀазизидасаги, ГIа-тIаъ бин РабахӀидасаги, СагӀид бин Мусайибидасаги.   Увайсул Къарани...


ЩайтIан хIалакъ гьабулеб

Аллагьасул ﷻ цIаралдалъун щибаб жо байбихьи буго гIамалалъулъ икъбал ккеялъе аслу.  Къиматаб рагӀи цӀалула лъикӀаб жо гьабилалде цебе. «Бисмиллагь» бахъи рекъараб буго кваналалде, кьижилалде, ретӀел ретӀиналде, Къуръан цӀализе, какичури гьабизе, диниял тӀахьал цӀали гIадал ишал...


Какда хадуб зикру ва дугIа

ТIадегIанав Аллагьасде гIагарлъиялъе бищун кIудиял нухазул цояб ккола зикру - Аллагь рехсей. Гьелъ муъминчиясул ракI чIаго гьабула, такъва щула гьабула, БетIергьанасулгун бухьен цIунизе кумек гьабула. Аллагьасул Аварагас ﷺ бусурбабазда малъана зикруялъул батIи-батIиял формаби ва бихьизабуна Аллагь...