Цоцазул хIурмат гьабизе ккола
Цоцазул хIурмат гьабизе ккола
Щиб миллаталъул ва кинаб улкаялда гIумру гьабун вугониги, ритIухълъиялъе гIоло къеркьолев ва ракIбацIцIадав инсанасул хIурмат гьабула Дагъистаналъул муфтияталъ.
Гьедин бицана ДРялъул бетIер Сергей Меликовасулгун букIараб дандчIваялда муфтиясул заместитель АхIмад МухIаммадовас.
«Дагъистаналъул муфтияталъ рахъ кколаро, кинаб бугониги иш тIубаялъул мурадалда тIоритIулел митингазул. Гьелъул хIакъалъулъ чанго нухалда лъазабуна муфти, шайих АхIмад-афандиясги. Муфтияталъ рахъ ккола улкаялъул киналго гIадамал цолъиялъул, миллаталъухъ ва диналъухъ балагьичIого, рикьалаби гьаричIого цоцазул адаб гьабиялъул.
Нилъер киназулго рахIатхвезабун буго Палестинаялда лъугьа-бахъунелъ, аза-азар дагъистанияс гьезие кумекалъе «Инсан» фондалде гурхIел-рахIмуялъулаб кумекги щвезабуна. Щибаб какда хадуб дугIаги гьабула дунялалдаго рекъел цIуниялъул мурадгун. Амма ниж дандечIарал руго цо лъица бугониги цо лъида бугониги зулму гьабиялде. Жакъа ГIизраилалъ гьабулеб вахIшилъиялда тIад рекъолев чиги ватиларо», - ян бицана муфтиясул заместитель А. МухIаммадовас.
