Бесдалал лъималазе мавлид

Бесдалал лъималазе мавлид

РабигIул аввал моцIалъул хIурматалда ДРялъул муфти, шайих АхIмад-афандица ва гьесул лъади ГIайна ХIамзатовалъ бесдал лъимал цIалулел школа-интернаталъул цIалдохъабазе гIуцIана мавлид.

Гьеб мажлисалда гIахьаллъи гьабуна ДРялъул Халкъияб Собраниялъул депутат ХIажимурад Малаевас, МахIачхъала шагьаралъул лъай кьеялъул идарабазул нухмалъулез.

ГI. ХIамзатовалъ баркала загьир гьабуна гьел лъималазул гьабулеб бугеб тIалабалъухъ школа-интернаталъул директор Малик ХIажиевасе ва республикаялъул бетIер Сергей Меликовасде хитIаб гьабуна лъай кьеялъул рехсараб идараялъе квербакъи гьабейин абун.

Гьеб лъикIаб тадбир гIуцIаралъухъ школа-интернаталъул директорас шайих АхIмад-афандие сайгъат гьабуна лъималаз бахъараб Расул ХIамзатовасул сурат. Жидерго рахъалдаса муфтиясул хъизамалъ школа-интернаталъеги кьуна сайгъат.