Аслияб гьумералде

Божилъи хвей

Божилъи хвей

Божилъи хвей

Абугьурайратидасан бицана Аварагас абунин: «Божилъи тIагIиндал Къиямасеб къоялъухъ балагьун чIа», - ян. Абугьурайратица гьикъана: «Кин гьеб тIагIунеб, я Бичасул Расул ?», - илан. Аварагас абуна: «Агьлулъун гьечIезде аманат гьабидал Къиямасеб къо тIаде бачIиналъухъ ралагьун чIа», - ян. (Бухари)

ХIузайфатица бицана: «Хирияв Аварагас кIиго хIадис бицана нижее. Гьезул цояб лъугьана, гьанже дун кIиабилеб хIадисалда бицараб лъугьиналъухъ балагьун чIун вуго. Аварагас абуна: «Дин ва божилъи гIадамазул рекIелъ щулалъана. Цинги Къуръан рещтIиндал гьенисан ва аварагасул суннаталдасан лъана гьезда гьеб», - илан. Жеги аварагас r бицана дин ва божилъи гIадамазул рекIелъа бахъизе букIиналъул хIакъалъулъ.

Гьес абуна: «Инсан кьижизе вахиндал диналъул ва божилъиялъул бутIа рекIелъа бахъизе буго.

Гьелъул асар бухIараб ругънада релълъун хутIила. Цинги кьижидал цIидасан дин ва божилъи рекIелъа ине буго. Гъоркь хутIараб жо бухIараб тIурччиялда чIедал хIатIида бахъараб пинкьалъул мисалалда букIина. Дуда бихьулищ тIомода гьеб борхулеб куц ва амма жанисан чIобогояб букIин!? БачIина къо гIадамаз даран гьабулеб, амма гьезулъ жинде божилъи гьабизе бегьулев чи ватизе гьечIо. ГIадамаз абизе буго цо пуланаб тухумалда жинда божизе бегьулев пуланав чи вугилан. РекIелъ бихьунбихьулареб мугьгIанасеб иманцин гьечIев чиясул гIакълуялдаса, вукIавахъиналдаса ва къуваталдаса гIадамал хIайранлъизе руго», - ян.

Хадубги ХIузайфатица бицана: «БукIана заман лъил бугониги даран гьабиялъул щибго ургъел гьечIеб. Жакъайин абуни цо хасал чагIазулгун гурони даран гьабуларо дица», - ян. (Бухари, Муслим)

Бусурбанчиясул бищун кIвар бугел тIабигIатаздасан ккола аманат, ай божилъи, ритIухълъи. Гьелдеги тIаде, аманат ккола муъминчи мунапикъасдаса ватIа вахъулеб хасиятлъун. Гьелъие нугIлъиги гьабула жеги авараглъи кьезегIанго Бичасул Расуласдеги «Аминилан» абулаан, ай божарав, ритIухъав, ракI бацIцIадав абураб магIнаялда. Хирияв аварагас божилъиялде кIвар кьеялде ахIана нилъ. Анас ибн Маликидасан бицана кидаго вагIза гьабулаго Аварагас абулаанин:

«Божилъи гьечIесул иманги гьечIо, рагIи кколаресул динги гьечIо», - ян. (Имам АхIмад)

ЖАБИР МАЖИДОВ

2026-04-15 (Зул къагIида 1447 с.) №8.


«Инсаналъ» кумек гьабулеб буго

Дагъистаналда ккараб тIабигIияб балагьалъул хIасилалда «Инсан» фондалъ гьабулеб кумек буго цIакъго кIвар бугеб. Гьанжеялдего гьез кумек хIажатазе бикьана 20 тонна къайи-цIаялъул ва кванил нигIматазул. Гьединаб кумекин абуни щвана 3000 хъизамалъе. Гьединго «Инсан» фондалъ, къварилъи ккаразе кумек...


КIиябго рокъоб талихI щвела

Нилъер диналда ригьин гьаби буго гIадат гуребги, цIияб гIумруялде гали тIамулеб, гъваридаб рухIияб магIна жиндилъ бугеб динияб къотIи-къай.   ТIадегIанав Аллагьас ﷻ хирияб Къуръаналда абулеб буго (магIна): «ТIадегIанав Аллагьасул ﷻ хIалкIолъиялде тIоритIел гьабулел гIаламатаздасан буго гьес нужее...


Цоги аманат

Аллагьас ﷻ аманат гьабун кьуразул цояб буго чиясул сахлъи, къаркъала. Диналъги чи ахIула аманат гьабураб цIуниялде. Сахлъи цIуни ккола аманат гьабураб тIубазаби гуребги, чиясул гIумру сах-саламатаблъун букIиналъе сабабги. Аманат абураб жоги ккола нилъехъе кьураб жо кьураб куцалда нахъбуссинаби....


Балагь-къварилъи

Бусурбанчиясе, тIаде рачIунел тIабигIиял балагьал, букIа гьеб ракь багъари, гьурал рахъин, гIаммал унтаби, лъим кIанцIи ва цогидалги, гьеб буго бечедав-мискинав абун течIого, щивав чи кумек, хвасарлъи тIалаб гьабун къватIиве вахъунеб заман. Гьеб хIалалъулъ чияда ракIалде щола дунял тIаса ине,...


Нужее баяналъе

«БисмиЛлагьалъул» чан хIарп бугеб? – 19. «ХIа» ва «Мим» - аздаса байбихьулел сураби чан ругел? – Анкьго. Щай гьезие ХIавамим абурал цIарал кьурал? – ХIа-мим абун Аллагьас ﷻ гьел сураби байбихьун рукIиналъ. Щал гьел...