Канзи шифо. Роҳҳои раҳоӣ аз бехобӣ

Канзи шифо. Роҳҳои раҳоӣ аз бехобӣ

Ду сол боз аз бехобӣ азият мекашам. Вақтҳои охир то доруи хобро нанӯшам, хобида наметавонам. Мехоҳам донам, ки бехобиро бо усулҳои халқӣ табобат кардан имкон дорад ё не?

 

Ба саволи хонанда номзади илмҳои тиб Саидҷон Нодирӣ посух медиҳад:

– Аз бехобӣ дар гӯшаю канорҳои гуногуни сайёра миллионҳо одамон азоб мекашанд ва бинобар гуногунии сабабҳои пайдоиши он усули муайяни табобати ин беморӣ нест.

Аз бехобӣ бештар одамоне азоб мекашанд, ки системаи асабашон нисбатан суст буда, зуд ба ҳаяҷон меоянд. Бехобӣ ба асаб вобаста бошад, қабл аз хоб бо меҳнати ақлонӣ машғул нашавед. Барвақт хӯрок истеъмол намуда, барвақт хобидан (соатҳои 9-10-и шаб) ва бегоҳӣ хӯроки сабуктар истеъмол кардан лозим. Ним соат қабл аз хоб ваннаи ширгарм қабул намудан (ё пойҳоро ба оби хунук гузошта гирифтан) фоидабахш аст. Бехобӣ агар бар асари камхунӣ бошад, ба зарфҳои шишагӣ оби гарм рехта, ба паҳлуи пойҳоятон гузоред, манфиати хуб мебахшад.

Метавонед ин усулҳои табобати халқиро ҳам санҷида бинед: Қабл аз хоб ба як пиёла оби ҷӯшидагӣ (на чой) ё ба шири ҷӯш 1-2 қошуқча шакар ё асал илова намуда нӯшед. Дамламаи решаи растании нардсунбулро (валериана) нӯшед. (Як қошуқча решаи майдакардаи нардсунбулро дар 1 пиёла оби ҷӯшидагӣ 20 дақиқа дам партоеду пасон нӯши ҷон созед).

Қабл аз хоб ним соат дар ҳавои тоза пиёда сайр намоед. Ба доруҳои хоб майл нанамуда, асабҳоро ором созед ва барои хобидан кӯшед.

2026-07-01 (Муҳаррами соли 1448.) №7.


Баъди 6 сол қатораи Душанбе – Маскав дубора ба роҳ мебарояд

Баъди шаш соли таваққуф ҳаракати қатораи мусофирбар дар масири Душанбе – Маскав – Душанбе аз нав оғоз мешавад. Нахустин қатора рӯзи 21 июн аз пойтахти Тоҷикистон раҳсипор хоҳад шуд.   Тибқи иттилои Вазорати нақлиёти Тоҷикистон, арзиши чипта дар вагони умумӣ 2617 сомонӣ ва дар...


Саволу ҷавоб

Ман дар Русия муҳоҷирам. Ҳамсарам рўзе аз ман нопурсида ба хонаи волидонаш меравад. Ман инро шунида ҷанҷол кардам, баъдан гуфтам, ки “агар аз ин пас нопурсида рафтӣ, се талоқат мекунам ё се талоқ ё се талоқатро медиҳам”. Дар хотир надорам, ки кадом яке аз ин лафзҳоро гуфтаам. Ҳамсарам...


Маърифати молиявӣ. 5 роҳи сарфа кардани пул

Ҳамарӯза мо барои хариди маҳсулоти рӯзгор вориди мағоза ё бозор мешавем. Оё медонед, ки харид кардан ҳам қоидаҳои худро дорад? Пас, 5 қоидаро бароятон пешниҳод менамоем. Ба назар сода менамоянд, аммо барои сарфаи пулу зиндагии беҳтари шумо кӯмак мекунанд.   Якум, харид аз бозор роҳи хуби...


Раҳим Азимов – ягона тоҷик дар Думаи давлатии Русия

Раҳим Азимови 61-сола яке аз чеҳраҳои шинохтаи сиёсии тоҷиктабор дар Федератсияи Русия ба шумор меравад. Ӯ айни замон вакили Думаи давлатии Федератсияи Русия ва муовини якуми раиси Кумитаи Думаи давлатӣ оид ба амният ва муқовимат бо коррупсия мебошад.  Раҳим Азимов дар Шӯроби шаҳри Исфараи...


Тоҷикони муваффақ дар Русия

Чеҳраҳое, ки миёни ду кишвар пул месозанд   Муносибатҳои Ҷумҳурии Тоҷикистон ва Федератсияи Русия таърихи тӯлонӣ ва заминаи мустаҳками ҳамкорӣ доранд. Имрӯз ҳазорҳо шаҳрвандони Тоҷикистон дар Русия кору фаъолият намуда, дар рушди иқтисоди ҳар ду кишвар саҳм мегузоранд. Дар баробари...