Наврасони Тоҷикистон ба Ҷоми ҷаҳон-2025 мераванд

Дастаи мунтахаби наврасони футболбози то 17-солаи Тоҷикистон дар марҳилаи финалии Ҷоми Осиё-2025 дар гуруҳи худ бо ду пирӯзӣ якум шуд ва ба даври нимниҳоии ин мусобиќа ва марҳилаи финалии Ҷоми ҷаҳон-2025 роҳ ёфт.

Пас аз он, ки наврасони Тоҷикистон дар бозии сеюми гурӯҳи бар ҳамсолони худ аз Эрон бо ҳисоби 3:1 пирӯз шуданд, дар гуруҳи худ бо шаш имтиёз зинаи аввалро гирифтанд. Баромадан ба даври чорякниҳоӣ соҳиб шудан ба роҳхати Ҷоми ҷаҳонии соли 2025 аст.

Дар бозии чорчкнихоӣ ҳарифи наврасони Тоҷикистон Куриёи Ҷанубӣ буд. Наврасони Тоҷикистон баъди 0:1 шудани ҳисоб, кӯшиш карданд ва дар давоми 3 даќиќа ду гол ба дарвозаи ҳариф заданд, аммо дар ваќти иловагӣ, дар дохили ҷаримагоҳ тӯб ба дасти яке аз муҳофизатгарони тоҷик бархӯрд ва довар аз Чин баъди муроҷиат ба VAR пеналтӣ таъйин кард. Ваќти асосии бозӣ бо ҳисоби мусовии 2:2 ба анҷом расид. Дар задани пеналтӣ бахт ба ҷониби дастаи Куриёи Ҷанубӣ буд — 5:3.

Қаблан наврасони Тоҷикистон дар марҳилаи гурӯҳии мусобиқот бар тимҳои Уммон (2:1) ва Эрон (3:1) пирӯз шуда, аз тими Куриёи Шимолӣ (0:3) шикаст хӯрда буданд.

Ҳамин тавр, дастаи наврасони Тоҷикистон таҳти роҳбарии Марко Раҷинӣ соҳиби роҳхати Ҷоми ҷаҳон-2025, ки моҳи ноябр дар Қатар баргузор мешавад, шуд.