Лаеш мөхтәсибәтендә мөгаллимнәр һәм активистлар форумы узды
Лаеш мөхтәсибәтендә мөгаллимнәр һәм активистлар форумы узды
Лаеш мөхтәсибәтендә мөселман дини оешмасы укытучылары һәм активистлары форумы узды. Очрашу “Татарстан Республикасы Лаеш районы хатын-кызлары арасында мөселман мәгарифе системасының эшләве һәм үсеше, заманчалык һәм перспективалар” темасына багышланды.
Катнашучыларны Лаеш районы имам-мөхтәсибе Наил хәзрәт Әбелханов сәламләде. Шулай ук Татарстан мөфтиятенең социаль үсеш бүлеге җитәкчесе Айгөл ханым Биктимирова, Казан ислам университеты укытучысы Миләүшә Әдһәмова (Зарипова), “Сабыйлар” балалар үзәге җитәкчесе Люция ханым Низамова һ.б. мөрәҗәгать итте. Алар үз эшчәнлекләренең тәҗрибәсе хакында сөйләде. Моннан тыш, форумда хәйриячелек, халыкка дини белем бирү эшчәнлекләрен алып бару мәсьәләләре дә каралып, фикер алышу узды.
