1-мур кIану – лакку оьрчIахь

1-мур кIану – лакку оьрчIахь

1-мур кIану – лакку оьрчIахь

Уттигъанну интернетравусса Муфтиятрал Инстаграмрал страницалий бувунни Кьуръан буккаврил конкурс. Гьуртту хьун ччиминнан багьлай бия Инстаграмрал «сторисраву» цала Кьуръан ккалаккисса видео дишин.

Цалчинмур кIану бувгьуманан бахшишну ккаккан дурну дия 30 000 къуруш, кIилчинмуних – 20000, шамулчинмуних – 10 000 къуруш. Мукьилчинмуния ацIулчинсса кIанттурду бувгьуминнангу бахшишру хIадур дурну дия. Бахшишру щаллу дурну дия «Умра-Хадж» проектрал. Конкурсрал хIасиллу дурну, 1-мур кIану бувгьунни Ххутрал шяраватусса ХIусман Буттаевлул, кIилчинмур – МухIаммадрасул АхIмадовлул, шамилчинмур – МухIаммад Аьлиевлул.

ХьхьичIунсса кIантту бувгьуми барча бувунни Дагъусттаннал Муфтийнал 1-ма хъиривчу Аьбдуллагь Аджимоллаевлул ва просвещениялул отделданул хъунама Аьли Султановлул. Конкурсраву ххув хьусса ХIусман ур чIявуминнан кIулсса Наби Буттаевлул чIивима уссу. ДукIу Махачкъалалив хьусса акбар учаврил конкурстраву Набинал цалчинмур кIану бувгьуссия.

2026-03-01 (Рамазан 1447 ш.) №3.


Танмалшиву – щяйтIаннуя

Ххирасса дустал, къааьйкьинссара хIакьинусса кьини жува цинявппагу курчIил ясир бувну буру учирчагу.   Байбихьулий цIуххин ччива, цири му цурда карчI куну? ХъунмурчIин карчI тIун бикIай ци дунугу даву дуван къаччисса, ягу гъира бакъасса чIумал. Мукунсса чIумал инсан уссар лагма-ялттуминнахь...


Аллагьнайн ﷻ таваккул бутаву

Таваккулданул мяъна КIулну бикIияра, таваккул – му паракьатшиву дакъасса гьалакшивур ва гьалакшиву дакъанурасса паракьатшивур. Мунил мяънагу – ина буллугъшиврухгу, мискиншиврухгу ца куццуй уругавур. Щаллуну Аллагьнайн ﷻ вихшала диша, вила оьрму Заннайн тапшур бува щак къаувкуну, му...


Лайлатул-Кьадрилул хьхьу

АцIния кIивагу зурдардиву яла ххирамур, даража лаваймур – Рамазан барзри. Мунил хьхьурдардива яла ххирамур хьхьугу – Лайлатул-Кьадрилул хьхьури.   Мугу Рамазан зуруй цумур хьхьу дуссарив мяйжанну къакIулссар. Куннал хьхьичIра-хьхьичIсса хьхьури тIар, куннал ацIния арулку хьхьури...


Бала-апатIирттая буруччайсса дуаь

АпатIру, дардру инсаннал оьрмулуву ччя-ччяни хьуна дакьай. Пашманмургу, ххаримургу жуйнна дияйссар Аллагьнал ﷻ чичрулийну. Мунияту, захIматсса иширавун багьсса чIумалгу куклушиву, бигьашиву Заннахь чIа учин аьркинссар.   Цумур дуаьри дуккин аьркинсса апатIрая, мусиватрая буруччиншиврул?...


“Хайр бакъасса инсантал...”

Инсаннал дакIнил азардавасса ца азар – дакIхъуншивури. Му чIалан дикIайссар, инсантурал тIимур сан къабаврийну. ДакIхъуншиврул дайдихьу – цува цайминнаяр лахъну чIалачIаву. Му иширайн Идавсил ﷺ увкуссар: «КъауххантIиссар Алжаннавун чанссарагу дакI хъун дувайма». Му...