Идавсил ﷺ васиятру

МухIаммад Расулуллагь ﷺ Заннал гьан увссар щалва инсаниятрачIансса Идавсну ﷺ, халкьуннал тIул-тIабиаьт, аьмал-хасият ххуй чулинмай баххана бувансса мурадращал. Идавсил ﷺ насихIат бувайсса бивкIссар дунияллул неъматирттал лагъталну мабикIару, дакIру марцI дувара, ЗанначIан ﷻ кIура бавну оьрму бутияра тIий. Мукунсса насихIатру цанмагу бувуна куну бувсун бур Муаьз ибн Жабал t цIа дусса асхIабнал. Му бусала чивчуну бур имам АхIмадлул луттираву.

Муаьзлул бувсун бур цанма Идавсил ﷺ укунсса аманатру бувшиву:

Аллагь ﷻ акъасса цама цучIав Залну ккалли маувара, инава ивчIан ягу ччуччин най ухьурчагу.
Вила нитти-буттайн мютIийну икIу, щарсса ягу хъус кьадити куну буюр буварчагу.
Фаризасса ххювагу чак кьамабитара, цанчирча, кьасттирай чак кьабивтма Аллагьнал аякьалува уккайссар.
ТачIав махIачIав увччу уваймур, бакIравун щаймур, цанчирча, му гьарца дучIи дакъасса тIулданул бакIщара-щир.
Аллагьнайн ﷻ мютIину икIу, мютIий бакъаминнайн Заннал сси ликкайссар.
Вила чIарав бив-кIурду чIяву хьуну бухьурчагу, кьянкьашиву дува.
Вила хъус харж дува кулпат аьркинмунил щаллу буван.
Вила оьрчIру-кулпат тарбия бувансса мурадрай миннан танмихI буван бучIиссар.
ИчIувминнан ла-хьхьин бува Занная нигьа бувсун бикIан.

АЬЛИ КЬУРБАНОВ

2026-03-01 (Рамазан 1447 ш.) №3.

Уттигъанну МахIачкъала-ливсса «Центр» тIисса ресторандалуву «Лакрансса диндалул кумаг» группалул 5 шинал юбилей кIицI лаглагисса мероприятие хьунни. Ва группа хасну лакрал миллатрансса хъиншиврул, хъинбалдарал ххуллийсса давуртту дуллан хIасул бувну бур ЧиркIайннал...

Хъус марцI дуван хъуслий закат ялув бувсса кунма, чурх марцI буван, зумалувусса диялдакъашивуртту кIучI дуван, зума АллагьначIа ﷻ кьамулну лякъин, зумаритавал ссахIгу ялув бувссар. Инсаннал дургьусса зума лухччи-ссавнил дянив дарцIуну дикIайссар, ссахI букканнин ссавруннайн...

Аллагь Тааьланал Зумаритавал кьини даврин савав – ахиратлул кьини дакIнин дагьаншиврулли. Мунингу учайссар Эдрал кьини, куну. Гьарца Эдрал кьини дуркIукун, дунияллий халкь кув ххарину, кув пашманну, кув ххуйсса канай, ххуйсса ларххун, кув оьккисса канай, оьккисса ларххун, кув бахьтта, кув...

Мудан заралунния бурувччуну бикIаншиврул КIюрххил ва гьанттайннай шамилла дуккайссар ва дуаь: باسْمِ اللَّهِ الَّذي لاَ يَضُرُّ مَعَ اسْمِهِ شَيْءٌ فِي الأرْضِ وَلا في السَّماءِ، وَهُوَ السَّمِيعُ العَلِيمٌ «БисмиЛля́гьи ллязи́ ля́ язурру мааьсмигьи́ шай’ун филь-арзи ва ля́...

ЧIявуну баяй имам Магьди уккавай уссар тIисса хаварду. Му имамная кутIану бусарча ччива. МухIаммад Идавсил ﷺ увкуссар: «Имам Магьдинал цIа ттул цIаниха лархьхьусса дикIантIиссар, ганал буттал цIагу ттул буттал цIаниха лархьхьусса дикIантIиссар». Имам Магьди икIантIиссар Идавсил ﷺ...

Идавсил ﷺ васиятру