Лакрал халкьуннал учаларду

Лакрал халкьуннал учаларду
  • ЧIун ларгукун, ацци тIатIай, тIахIни гъагъай.
  • Шанан ччай акъа шанийн къаагьаннав.
  • Шану бивкIулул бачIир.
  • Шатлул куссия тIар: «БакI къадирчIарчан, чурх ппеллул ххарараятугу бави».
  • Я кьацIливу ккарччи, я ккарччай мурччи дакъуй.
  • Ярагъуннин гъан чув къакIулссар.
  • ЯхI бакъа дунияллийнияр лухIи гьаттал увгьуну хъинссар.
  • Анаварсса дуку анаварсса зузалар.
  • Ахттайнния бизанссия, ахттайнссаннун дуканмур духьурчан.
  • БарцIгумали вацIлувату ккашил буккан бай.
  • БурцIингу ттукку нисирал чуттуну чIалан бикIайссар.
  • Гьарахъалу щинай, инсан дук-ралийри ялапар хъанахъисса.
  • Дукралул паччахI ччатIри.
  • Дукра вилнугу, лякьа ттуллар-хха.
  • Дуркумур жуллар, лирчIмур щиллив къакIулссар.
  • Дуссаксса дуканну, дакъамур чIумал ци-бунугу хьунссар.
  • Дур-думунийн цIу бичлай, цIу бавкьумур канай.
  • Дукралул кьункьал уччайссар.
  • Дукралух – урцIул бакIрай, вирттавравух – махъа-махъ.
  • Дукъакай ттуккул зунтту къабитайссар.
  • Дюрхъу шинал – хамил гурга, къурагь шинал – хъалул сун.
  • Жура дуркумурди жунна дучIину лякъинтIисса.
  • Жунгу цичIар чан къархьунни, зунгу цичIар ххи къархьунни.
  • Кулпатравухсса дукра тIааьн-ссар.
  • Ккарччив мюрайх лархъун.
  • Ккашил къавхьуну, уччаврил кьадру къашай.
  • КкукъархIуну, тIааьн кIул къашай.
  • КIурчIулттуву щин къада-цIайссар.
  • Ккаччил мурад чу бивчIавур.
  • Лаччуву арулцIалва дару буссар.
  • Лякьазарайх лякьлулли рищайсса.
  • Лякьа ккашил хьурчан, ка хIарами шайссар.
  • МечIай чIатIиксса, чIатIуй къамаксса.
  • Нагь-ницIаву шашарчан, бивщу бягу нахIуссар.
  • ТтаркI дакъасса дикI къадикIайссар.
  • Ухсса увккун – дулун багьавив, ххувсса увккун зеххивив къакIулли.
  • Уччиннин дугу дуки, гьухъал наннин зугу зузу.
  • Ххютту дачIраний бакI гъав лагайссар.
  • ЧчатI бивкIссания ккарччив лякъинссия.
  • ЧчатIул дус ччатIущал лагайссар.
  • Чил ччатI кьурчIиссар.
  • Чил пулавнияр жула лархьхьунакьлихун ини хъинссар.
  • Яручу шашаннин къа-ацIайссар тIар, лаккучу шашаннин ацIайссар тIар, дякъиннин къаацIайссар тIар.
  • Ав цал бивчIайссар, авчи кIила ивчIайссар.
  • Алттуйхсса сси ттуккуйх лахълай ур.
  • Арнища хатIа къашайссар, зунттуща хатIа къашайссар, инсаннащар хатIа шайсса.
  • Аццимур тIартIунни, тIахIнимур гъаргъунни.
  • Архмур тIутIи ятIулну чIалан дикIайссар.
  • Аривмур тIутIигу ххуйну чIалан дикIайссар.
  • Аьвхьхьусси ябарчан – кьацI нацIу шайссар; хьюлу ятин ябарчан – мурччив ятIул шайссар.
  • Бияй ккаччин ххуллу илкинссар.
  • Бургъил хъирив барзгу лаяйссар.
  • Бургъийгу ттангъри дуссар.
  • БувцIу варакъувун щин къадутIайссар.
  • Биттун къаз биривну бур.
  • Вила бавцIуний чин оьбала мабара.

    • 2026-07-01 (МухIаррам 1448 ш.) №7.


    Неъматрал кьимат

    Ца билаятрай къурагъсса шин хьуну, щин чан хьуну диркIун дур. Гиккусса ца мискинсса адиминан пикри хьуну бур, щин дукканхьуви тIий, аьрщараву къуй дуккан. Дуклай чансса куртI шайхту лявкъуну бур ссаллив бувцIусса хъунмасса буттукьа.   Га тIивтIусса адимина хIайран хьуну ливчIун ур гиву думур...


    Къулагъас дувантIиссар тарбиялух

    Жунма кIулсса куццуй, ЦIуминалийсса ЦIуссалакрал шяраву буллай бур хъунмасса РувхIанийсса центр ва мадраса. Ванин дирзун дур машгьурсса щейх Сайфуллагь-Кьади Башларовлул цIа. ХIакьину ва даврий каялувшиву дуллай ур ЦIуссалакрал райондалул имам Аьбдуллагь МухIаммадов. Ванал жухь бувсунни мадраса...


    Суал-жаваб

    КIия инсан куннайн ку данди буклакисса спортрал журардая Исламраву ци увкуну бур? Цувагу, цала чIаравмигу буруччинсса ниятрай спортрахун багьаву, чурххал цIуллушиву дуруччаву Исламраву хъинчулий ккаккан дурну дуссар. Аммарив цаппара шартIру дусса спортрал журарду бунагьссар: Данди буккаврил ягу...


    Лак Муфтийнащал хьунабавкьунни

    Дагъусттаннал Муфтий щейх АхIмад -хIажи Аьбдуллаев хьунаавкьунни Лакрал райондал вакилтуращал ва имамтуращал. Лакрал райондалул администрациялул бакIчи Зураб Куччаевлун тIайлабацIу чIа тIий, Муфтийнал кIицI лавгунни чIярусса шиннардий райондалул бакIчину зий ивкIсса Юсуп МахIаммадовлул район...


    НеъматирттацIа къахьун дуккайсса дуаь

    Оьмардул арснал Аьбдуллагьлул бувсун бур МухIаммад Идавсил ﷺ укунсса дуаь дайва куну:   اللهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ «Алла́гьумма инни́ ао́ьзу бика мин зава́ли ниъматика ва тахIаввали...