АцIва васият

АцIва васият

Аллагьу Тааьланал МухIаммад Идавс ﷺ дунияллийн гьан увссар халкьуннал тIул-тIабиаьт исвагьи дан, гай талихIрал ххуллийн буцин. Ганал мудан насихIат бувайсса бивкIссар цала чIаравминнахь дунияллул хъуслийн икрам баврия ва чурххан (наф-сиран) ччимуния арх бувцун, щаллуну Заннайн мютIи шияра тIий. Мукунсса ца бусала бувсун бур Идавсил ﷺ асхIаб Муаьз ибн Джабаллул. Ва хIадис имам АхIмадлул луттираву чивчуну буссар.

 

Муаьзлул увкуну бур: «МухIаммад Идавсил ﷺ ттухь ацIва аманат бувуна:

  1. Инава ивкIларчагу, ччучларчагу, так Аллагьнайн ﷻ икрам булува, ширк мабишав!
  2. Нитти-буттал увкумур буллалу, вила щарссания ягу хъуслия личIи хьун буюр буварчагума.
  3. ЦукунчIав чак макьабитав. Кьасттирай чак кьабивтма Заннал уруччавруцIа хьунтIиссар.
  4. Увччу уваймур махIачIав, му циняр духIин дакъашивурттал бакIри.
  5. Аллагьнайн ﷻ мютIину икIу, мютIи акъаманайн Заннал сси ликкайссар.
  6. Гъазаватрая малихъав, зуйнма душмантал ххявххукун, гикку халкь литIлай бухьурчагу.
  7. Вила лагма халкь ливтIуну най бухьурчагу, кьянкьашиву дува.
  8. Инара ляркъусса хъус кулпат-ран харж дулува.
  9. Вила кулпат тарбия бавриву танмихIгу ишла булува.
  10. Кулпат-оьрчIавун Заннаясса нигь дагьанмур бува.

 

Аьли Мусаев

2026-05-01 (Зуль-Кьаъда 1447 ш.) №5.


Суал-жаваб

БучIиссарив мизитраву чIирайн ттиликI рирщуну шанан? Мизитраву шанан бучIиссар инсан «джунуб» хьуну (чурх шюшин, гъуслу буван аьркинну) акъахьурча ва гиву чак буллалиминнахун ахчилай, гай къума буллай акъахьурча. Вай шартIру биттур къадуварча, мизитраву шанан къабучIиссар,...


Иман ссайн учайссар?

Иман – му Аллагьу Тааьланал Цалва хъиншиврийну, рахIму-цIимилийну Цалва лагъартуннаятусса Цана ччисса инсаннал дакIниву бувчIин бавур, асар хьун бавур, мунивун дуртIсса нурди, му инсаннан цува ляхъан увсса Зал кIул уван. Му нургу, асаргу дакIниву бусса инсаннал Аллагьу Тааьланал...


Къумасса мусиват

Аллагьу Тааьланал дуниялгу ляхъан дурну, дунияллий инсанталгу ляхъан бувну, миннаву ляхъан бавугу, литIун бавуну нани дурсса миннал хIал ккакканни. Уттарашиву ляхъан дурссар миннаву мютIийма цумарив, аьсивма цумарив кIул хьун. БивкIугу ляхъан бувссар Кьиямасса кьини бизан бувну, хъинманан хъинсса...


Дагъусттаннайн дурксса кьини

Апрель зурул байбихьулий Дагъусттаннай гужсса гъараллу лачIлай, марххалтту буллай, хъунисса зараллу хьунни инсантурал къатта-къушлин, хъу-лухччилун, ризкьилун, ххуллурдан. Инттухунмай бувсса кIусса марххалттанул Хъусращиял ва Ккуллал шяраваллан хъунисса зараллу биян бунни, гъараллая хъунмасса зарал...


Ссайгъат баву

Цаннал цаннан укра зад дулаву, ссайгъат баву ссуннатссар, Аллагьнал ﷻ ххуллий, Аллагь ﷻ рязи уван дуллай ухьурча. Му дулайнигу «на ва хъус вин укра дулав», – куну дулайманал учин аьркинссар. «Нагу кьамул дурссар», - куну, ласайманалгу учин аьркинссар. Мукун къакуну,...