Керимовлул ихIсандалул ХIаж

Керимовлул ихIсандалул ХIаж

Керимовлул ихIсандалул ХIаж

Гьашинугу Сулайман Керимовлул цайнма лавсун бур Дагъусттанная 1000 инсан ХIажлив тIайла уккаву. ЛичIи дурсса путевкарду гьарца шагьрурдайх ва районнайх дарчIуну дур, гикку яхъанахъисса жяматрал аьдад-ккал хIисав дурну.

 

КIунтти бичавриву гьуртту хьун бивтуна 18 шинал оьрмулувун бивсса, цала кашилийну гьан къабюхълахъисса, хIадурсса загранпаспорт бусса, ХIаж бан чурххал цIуллушиву дусса, ттинин цалвагу ХIажлив къалавгсса агьали.

КIунтти бичавриву гьуртту хьун гъира буминнал сияхIру хIадур дурну дия районнал имамтурал.

Лакрал райондалия мубараксса аьрщарайн гьансса талихI хьунни Кьукуннал шяраватусса Мусаев Арсеннун ва Гъумучатусса Кьурбанова Магьликаятлун.

Ккуллал райондалий путевка дурххунни Ккулатусса Щамххалов Рашидлул.

2026-05-01 (Зуль-Кьаъда 1447 ш.) №5.


Ссайгъат баву

Цаннал цаннан укра зад дулаву, ссайгъат баву ссуннатссар, Аллагьнал ﷻ ххуллий, Аллагь ﷻ рязи уван дуллай ухьурча. Му дулайнигу «на ва хъус вин укра дулав», – куну дулайманал учин аьркинссар. «Нагу кьамул дурссар», - куну, ласайманалгу учин аьркинссар. Мукун къакуну,...


Къумасса мусиват

Аллагьу Тааьланал дуниялгу ляхъан дурну, дунияллий инсанталгу ляхъан бувну, миннаву ляхъан бавугу, литIун бавуну нани дурсса миннал хIал ккакканни. Уттарашиву ляхъан дурссар миннаву мютIийма цумарив, аьсивма цумарив кIул хьун. БивкIугу ляхъан бувссар Кьиямасса кьини бизан бувну, хъинманан хъинсса...


Шанугу - неъмат

Шанашаву – Аллагьу Тааьланал жунма буллусса хъунмасса неъмат хъанай бур. Шанашисса чIумал инсаннал чурх ва къюкI дигьа лаглай дур, инсан игьалаглай ур. Гьарца затираву кунна, шанан утту ишавривугу дуссар цилла адабру:   1) ХъатIан чак бувну махъ аьркин бакъасса гъалгъарду къабуллай,...


Иман ссайн учайссар?

Иман – му Аллагьу Тааьланал Цалва хъиншиврийну, рахIму-цIимилийну Цалва лагъартуннаятусса Цана ччисса инсаннал дакIниву бувчIин бавур, асар хьун бавур, мунивун дуртIсса нурди, му инсаннан цува ляхъан увсса Зал кIул уван. Му нургу, асаргу дакIниву бусса инсаннал Аллагьу Тааьланал...


Дяъвигу, дингу

Аьрай, ярагъ бакъассагу, аьркинни дакIнил кьянкьашивугу, гуманитар кумаграцIун рувхIаниймур кумаггу. Ва кIанттул агьамшиву чIалай, жулва аьралийтурал чIарав бацIан, дакIниймур ласун 2024-ку шиная шинмай диндалул къуллугъчиталгу заназиссар СВО-райн. Мукунминнавасса ца ур 5-мур армиялул...