Муфтий ЦIуссалакрал райондалийн ивунни

Муфтий ЦIуссалакрал райондалийн ивунни

Июнь зурул 13-нний ЦIуминалийсса ЦIуссалакрал шяраваллил мизитравун нюжмар-чак-лийн увкIуна Дагъусттан республикалул Муфтий, аьлимтурал советрал каялувчи, щейх АхIмад Афанди.

 

Чак бувну махъ райондалул шяраваллал имамтуращал архIал Муфтий урувгуна ЦIуссалакрал шяраву буллалисса РувхIанийсса центр – мадрасалух. Мадрасалун дуллалисса къатригу ххал дурну, щейхнал цаппара масъаларттал хIакъираву маслихIатру ккавккуна. Му бакъассагу, Муфтийнал цала чулуха мадрасалун арцуйнусса кумаг бувуна.

ЦIуссалакрал шяраву Муфтий хьунаавкьуна Кировский райондалул имамтурал советрал председатель Аьбдуллагь МухIаммадовлущал, ЦIуссалакрал райондалул бакIчинал хъиривчу Амир Султановлущал, диндалул иширттавусса райондалул бакIчинал кумагчи МахIач Акаевлущал ва Новостройрал имам Мансур Хаваевлущал.

Муфтийнал маслихIатрайну хIукму бувуна ЦIуминалий буллалисса Динийсса центрданун тIарикьатрал щейх Сайфуллагь-Кьади Башларовлул цIа дизан.

 

 

ХIасан МухIаммадов

 

2026-07-01 (МухIаррам 1448 ш.) №7.


Къулагъас дувантIиссар тарбиялух

Жунма кIулсса куццуй, ЦIуминалийсса ЦIуссалакрал шяраву буллай бур хъунмасса РувхIанийсса центр ва мадраса. Ванин дирзун дур машгьурсса щейх Сайфуллагь-Кьади Башларовлул цIа. ХIакьину ва даврий каялувшиву дуллай ур ЦIуссалакрал райондалул имам Аьбдуллагь МухIаммадов. Ванал жухь бувсунни мадраса...


Арулва махъ

Хъунасса аьлимчу, дурккучу Абу-Лайслул увкуссар: «Цума инсаннал лавхьхьурив арулва махъ, му инсан икIантIиссар Аллагьналгу ﷻ малаиктуралгу хьхьичI даража лавайну, ва Аллагьнал ﷻ мунал бунагьру багъишла битантIиссар, гай бунагьру хьхьиривусса хьаманияр чIявусса бухьурчагума.   Вай...


Суал-жаваб

КIия инсан куннайн ку данди буклакисса спортрал журардая Исламраву ци увкуну бур? Цувагу, цала чIаравмигу буруччинсса ниятрай спортрахун багьаву, чурххал цIуллушиву дуруччаву Исламраву хъинчулий ккаккан дурну дуссар. Аммарив цаппара шартIру дусса спортрал журарду бунагьссар: Данди буккаврил ягу...


Эбадат ва мяърипат

ХIакьсса бусурманчунал загьир дувайссар цала диндалун лайкьсса инсаншиву. Диндалул, имандалул хIасул дуллалиссар жула тIуллу дарцIусса ттарцIруну хъанахъисса хасиятгу. Эбадатрайну цIакь хьусса хасиятрал хIасул дувайссар инсаннал оьрмулул тагьар, мукунсса инсан мяърипат, инсап, адав дусса...


Лак Муфтийнащал хьунабавкьунни

Дагъусттаннал Муфтий щейх АхIмад -хIажи Аьбдуллаев хьунаавкьунни Лакрал райондал вакилтуращал ва имамтуращал. Лакрал райондалул администрациялул бакIчи Зураб Куччаевлун тIайлабацIу чIа тIий, Муфтийнал кIицI лавгунни чIярусса шиннардий райондалул бакIчину зий ивкIсса Юсуп МахIаммадовлул район...