Жагьилтурансса дялахъру

Жагьилтурансса дялахъру

ЦIуссалакрал райондалул цIуминалийсса жагьилтурал ккурандалул каялувчи Къапланов АхIмадлул сипталийну дурунни жагьилтурансса велопробегру. Вайннуву гьуртту хьунни жагьилтал, дуклаки оьрчIру ва спорт ххирами.

 

АхIмадлул бусаврийн бувну, велопробеграл агьаммур мурад хъанай бур жагьилтал цачIун баву, спортрахсса гъира гьарза баву, дусшиву цIакь даву.

ЦачIун хьуминнал дянив бувунни лунттубакI лахъан баврил ва архъан кIункIу даврил бяст-ччаллу.

Жагьилтурахь насихIат бусан бувкIун бия Новострой райондалул имамтурал каялувчи Аьбдуллагь МухIаммадов, ЦIуссаккуллал школалул тренер Рахмед Алункачев, МахIачкъалалул жагьилтурал ккурандалул каялувчи Залкип МахIаммадов, ЦIуссалакрал имам ХIасан МухIаммадов ва м.ц.

Райондалий зузисса «Инсан» фондрал хIадур дурну дия жагьилтурансса хъамалушинна.

Укунсса мажлисру хьунни Чапаево, ЦIуссаккуллал ва ЦIуссалакрал шяраваллаву.

 

 

 

2026-03-01 (Рамазан 1447 ш.) №3.


СсахI бичаву

Хъус марцI дуван хъуслий закат ялув бувсса кунма, чурх марцI буван, зумалувусса диялдакъашивуртту кIучI дуван, зума АллагьначIа ﷻ кьамулну лякъин, зумаритавал ссахIгу ялув бувссар. Инсаннал дургьусса зума лухччи-ссавнил дянив дарцIуну дикIайссар, ссахI букканнин ссавруннайн...


Пикрирдал бакIщаращи

ДакI ва пикрирду аьркин бакъамуния дуруччиншиврул, буруччин аьркинссар чурххал базурду: яру, вичIив, маз, кару, ччанну.   ДакIнивун щугълурду буххайссар мукьва ххуллувух. Цалчинмур – нафсирал гьавасру. Масала, кIирисса кьини зума дургьусса инсаннан дяркъусса щин ккаккарча, му чIумал...


ХIалал-хIараммунил баян

Аллагь Тааьланал дунияллий халкьуннан, дуллусса хъусру ризкьи-маэшат хIалалссагу дуссар, хIарамссагу дуссар. КIинниллагу дянивсса щак буссагу дуссар, мунийн «шубгьа» учайссар.   Шубгьа хъанахъиссар я хIалалшиву, я хIарамшиву чIявуминнаща личIий дуван къашайсса, цукунссарив кIул...


Лайлатул-Кьадрилул хьхьу

АцIния кIивагу зурдардиву яла ххирамур, даража лаваймур – Рамазан барзри. Мунил хьхьурдардива яла ххирамур хьхьугу – Лайлатул-Кьадрилул хьхьури.   Мугу Рамазан зуруй цумур хьхьу дуссарив мяйжанну къакIулссар. Куннал хьхьичIра-хьхьичIсса хьхьури тIар, куннал ацIния арулку хьхьури...


Ккурандалул юбилей

Уттигъанну МахIачкъала-ливсса «Центр» тIисса ресторандалуву «Лакрансса диндалул кумаг» группалул 5 шинал юбилей кIицI лаглагисса мероприятие хьунни. Ва группа хасну лакрал миллатрансса хъиншиврул, хъинбалдарал ххуллийсса давуртту дуллан хIасул бувну бур ЧиркIайннал...