Жяматрансса шадлугъ

Жяматрансса шадлугъ

Гъази-Гъумук бувунни мяйжаннугу щала райондалул оьрчIан ва гайннал нитти-буттахъан шадлугъну хьусса мажлис «Вечер нашидов». Шиккун цачIун хьуна тамансса агьали, парк бувцIуна мизитирттавун дарсирдайн заназисса оьрчIал ва душварал тяхъасса чIурдал.

 

Укун шадсса мажлис баврил хьхьичIунма сиптачину ия Лакрал райондалул имамтурал каялувчи Баталов ХIабиб. Райондалий диндалул къуллугъирттай зузимигу, цанма чирилун вайннан кумаг буван гьуз увкумигу хIалану, байран хъинну лайкьсса даражалий тIайла дурккуна.

Дайдихьу дуруна аниматортурал оьрчIащал тIуркIурду ва конкурсру баврия. Мунияр махъ дакIурдивун асар биянсса чIурдай бувккуна оьрус ва аьраб мазурдий нашидру ва мавлудру, бувсуна вяъза-насихIатру, бувуна конкурсру.

Махъру лавхъуна райондалул имам ХIабиб Баталовлул, ванал кумагчи Муъмин Насрудиновлул, Дагъусттаннал гуманитар институтрал зузала Давуд Тумалаевлул ва м. ц.

Ва кьини Гъумучиял паркравун бавтIуна 300-ннийн бивсса инсантал. Циняв рязину, шадлугъ дурминнайн барчаллагьрай ливчIуна.

 

 

 

 

2026-05-01 (Зуль-Кьаъда 1447 ш.) №5.


Иман ссайн учайссар?

Иман – му Аллагьу Тааьланал Цалва хъиншиврийну, рахIму-цIимилийну Цалва лагъартуннаятусса Цана ччисса инсаннал дакIниву бувчIин бавур, асар хьун бавур, мунивун дуртIсса нурди, му инсаннан цува ляхъан увсса Зал кIул уван. Му нургу, асаргу дакIниву бусса инсаннал Аллагьу Тааьланал...


Мяърипат ва тарбия

Ххуйсса хасият, тIул-тIабиаьт, адав дуну оьрчI, душ тарбия баву – му хъанахъиссар буттал цалва авладран дуллалисса хъинну кьимат лавайсса зат. Мукунсса тарбия дулаврил гьануну хьун аьркинссар жулва оьрчIру чIивину бунава мий хъуни хъанахъиссаксса минная инсаншиву дусса, хасият ххуйсса халкь...


Алфу ссалам хьуннав...

ТIабибнаха - назму, Заннаха - хIамди, Бунагьрал аьпвуну тIайла дацIаннав. Гъарибсса дакIнива бувккун лавгцири МустIафа Идавсил салават хьуннав.   ХIамдирал Залуннах ХIабибнал иман, ХIимаятраяту цIимилул бутIа – На бигьай ccиxIpyгy циняв санаъри, Аьрщарал Залуннайн ссаламну...


Дяъвигу, дингу

Аьрай, ярагъ бакъассагу, аьркинни дакIнил кьянкьашивугу, гуманитар кумаграцIун рувхIаниймур кумаггу. Ва кIанттул агьамшиву чIалай, жулва аьралийтурал чIарав бацIан, дакIниймур ласун 2024-ку шиная шинмай диндалул къуллугъчиталгу заназиссар СВО-райн. Мукунминнавасса ца ур 5-мур армиялул...


Дагъусттаннайн дурксса кьини

Апрель зурул байбихьулий Дагъусттаннай гужсса гъараллу лачIлай, марххалтту буллай, хъунисса зараллу хьунни инсантурал къатта-къушлин, хъу-лухччилун, ризкьилун, ххуллурдан. Инттухунмай бувсса кIусса марххалттанул Хъусращиял ва Ккуллал шяраваллан хъунисса зараллу биян бунни, гъараллая хъунмасса зарал...