Бала-апатI байщун баннав!

Къяннал шяраву хъунмасса бала-апатI хьуну бур. ЦIу дагьну ччурччуну дур МахIаммад Оьмариевлул къатри. Газрал баллон пьякь куну, цIу ларчIун дур. ХъуслицIа шаву, мина дакъа́ личIаву – хъунмасса балари, хаснува шяраваллил кIанай.

Ккуллал райондалийсса «Инсан» фондрал баян бувна Оьмариевхъал къатри цIу дуккан дуван кумагрансса арцу цачIун дуллалишиву. Укунсса ишираву чIивисса бунугу кумаг – чири хъунмасса, Заннал хьхьичI даража лахъсса давур.

Аллагьнал ﷻ цIимилийну кутIасса мутталий цачIун дуван бювхъуну бур 107 000 къуруш. Гьарцаманал бувсса цадакьа Аллагьнал ﷻ кьамул баннав!

КIундиннал шяраву ххяли хъя куну, хъунмасса кьун багьну, МахIаммадовхъал къатри ппив хьуну дур.

«Июль зурул 12-нний кIюрххицIунмай жу чантI учин бувна лахъсса чIунил. Къатлул нуз тIитIайхту тиву дия ххиттул ттурлу, цичIав чIалай дакъая. Жу уссищал бувххун тива инсантал буккан бувссия», – буслай ур къатлул залуннал арс.

Лакрал райондалийсса «Инсан» фондрал кумаграйну МахIаммадовхъан кумагран дартIунни арцу. Заннал кьамул баннав!

2026-07-01 (МухIаррам 1448 ш.) №7.

Хъунасса аьлимчу, дурккучу Абу-Лайслул увкуссар: «Цума инсаннал лавхьхьурив арулва махъ, му инсан икIантIиссар Аллагьналгу ﷻ малаиктуралгу хьхьичI даража лавайну, ва Аллагьнал ﷻ мунал бунагьру багъишла битантIиссар, гай бунагьру хьхьиривусса хьаманияр чIявусса бухьурчагума. Вай...

ХIакьсса бусурманчунал загьир дувайссар цала диндалун лайкьсса инсаншиву. Диндалул, имандалул хIасул дуллалиссар жула тIуллу дарцIусса ттарцIруну хъанахъисса хасиятгу. Эбадатрайну цIакь хьусса хасиятрал хIасул дувайссар инсаннал оьрмулул тагьар, мукунсса инсан мяърипат, инсап, адав дусса...

Сафар барз – бусурманнал календарьданул кIилчинмур барзри, му байбишайссар мухIаррам зурул хъирив. «Сафар» тIисса мукъул мяънагу – «хъахъи лагаву» ягу «бачIва шаву» тIиссар. Литературалул чулуха ва махъ аьрабрая таржума буллай бур «щютI тIисса...

КIия инсан куннайн ку данди буклакисса спортрал журардая Исламраву ци увкуну бур? Цувагу, цала чIаравмигу буруччинсса ниятрай спортрахун багьаву, чурххал цIуллушиву дуруччаву Исламраву хъинчулий ккаккан дурну дуссар. Аммарив цаппара шартIру дусса спортрал журарду бунагьссар: Данди буккаврил ягу...

Жунма кIулсса куццуй, ЦIуминалийсса ЦIуссалакрал шяраву буллай бур хъунмасса РувхIанийсса центр ва мадраса. Ванин дирзун дур машгьурсса щейх Сайфуллагь-Кьади Башларовлул цIа. ХIакьину ва даврий каялувшиву дуллай ур ЦIуссалакрал райондалул имам Аьбдуллагь МухIаммадов. Ванал жухь бувсунни мадраса...

Бала-апатI байщун баннав!