Виятува айихьу

Виятува айихьу

Аьбдуллагь ибну АьббаслучIан  ца адимина увкIун, баян бувну бур халкь ИсламрачIан кIункIу буллан, дин лахьхьин дуллан, тIайласса ххуллийн буккан буллан, хъинмур буллали буван ччай бушиву цанма.

– Ина му даву дайдишав ягу уттигу уварав? – цIувххуну бур ибну Аьббаслул .

– Увара, амма айишинсса ният дур, – дуллуну дур жаваб.

– Хъина, амма личIлулну икIу Кьуръандалул шанма аятрал инава начливун къаутан.

– Ми цуми аятрур?! – махIаттал хьуну ур адимина.

– Цалчинмур: «Цайми халкьуннахь АллагьначIан ﷻ зана бикIи тIуннув, зунма зува хъама бивтун?» («аль-Бакьара» суралул 44 аят). Ина кьянкьану вихну урав ва аятрал тавакъю вийнмагу къабагьайшиву?

– Юх, акъара. КIилчинмур аят цумурдикьай?

– КIилчинмур аятраву увкуну бур: «Зува къабуваймур цайминнахь циван бува тIий буру?» («ас-Сафф» суралул 2-мур аят). Урав дакI дарцуну инава къаухлахишиву ва аятраву кIицI лавгминнавун?

– Акъара. Буси шамулчинмур аятгу.

– Шамулчинмур аятраву бувсун бур Шуаьйб идавсил  цала миллатрахь увкусса махъру: «Ттун ччай бакъар зуха лащан, цайминнахь мабувари тIимур нава буллай». («Гьуд» суралул 88-мур аят). Ина урав укунсса?

– Щак бур, – куну бур адиминал.

– Мукун бухьурча, цал виятува айихьу, яла цайминнангу лахьхьин булланссарача, – увкуну насихIат бувну бур ибну Аьббаслул .