Щин дахху

Щин дахху

Самаркандлив ивкIун ур ца мискинсса адимина. Мунал цанма ца-кIива шагьи лякъиншиврул дяркъусса кIартташив бувцIуну, щин даххайсса диркIун дур.

Га адиминал нудру бувну бивкIун бур гьарца нюжмар кьини цала нитти-буттал рухIирдая цадакьа булланна куну. Му куццуй, нюжмар кьини ляркъусса арцу ганал цанна къадиртун, миски-къаривнан дулайсса диркIун дур. Цала нудругу Аллагьнал ﷻ хьхьичI лахъисса мутталий тIайлану биттур буллай ивкIун ур.

Ца нюжмар-кьини ганаща щилчIав щин машан къаларсун, дурагу арцу лякъин къавхьуну бур. Ци банссарив къакIулну, мизитравун имамнащал маслихIат ккаккан лавгун ур. Бувсун бур цала нудру биттур буван къахъанай ливчIун ушиву.

Имамнал увкуну бур: «Насуча, инсантурал экьи бивчусса къалпузрал ва кьавундалул ккиртту бавтIун, хIайвантран була, нитти-буттал рухIирдая цадакьа буван нанижатгу дува. Мукунсса давугу цадакьарича, ина нудру биттур бувману ккалли хьунтIиссара».

Щин даххул бувну бур имамнал увкумур. Му хьхьуну ганан макIра цала нину ва бутта ккавккун бур. Гайннал увкуну бур: «Вияту Аллагь ﷻ рязи хьуннав, жул арс! Ина гьарца нюжмар кьини жун ссайгъатру гьан бувайва. Ва хьхьуну гьан бувсса Алжаннул къалпузру ва кьавуннугу Аллагь Тааьланал жучIан биян бувунни».

Маликат Аминова

2026-07-01 (МухIаррам 1448 ш.) №7.


НеъматирттацIа къахьун дуккайсса дуаь

Оьмардул арснал Аьбдуллагьлул бувсун бур МухIаммад Идавсил ﷺ укунсса дуаь дайва куну:   اللهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ «Алла́гьумма инни́ ао́ьзу бика мин зава́ли ниъматика ва тахIаввали...


Шанна бигьасса эбадат

МухIаммад Идавсил ﷺ хIадисирттаву увкуну бур:   «Циняв бусурманнал бунагьру багъишла битаннав тIий дуаь дурманан буссар гьарца бусурманчунахсса чири»   «Кьуръандалувасса ца хIарп дурккуманан хъинбала чичинтIиссар. Гьарца хъинбалалул чиригу ацIлийнуссар. «Алиф,...


8 агьамсса калима

Вай мукъурттия байбишайссар ва къуртал шайссар инсаннал оьрму. Вайннул агьамшивугу хъинну хъуннассар. Вай калимартту бусурманнал гьарца кьини зумух ласай, цавайннал чIяруну, вайминнал чанну.   Шагьадат أَشْهَدُ أَنْ لَا إِلَهَ إِلَّا اللهُ وَ أَشْهَدُ أَنَّ مُحَمَّدًا رَسُولُ...


Эбадат ва мяърипат

ХIакьсса бусурманчунал загьир дувайссар цала диндалун лайкьсса инсаншиву. Диндалул, имандалул хIасул дуллалиссар жула тIуллу дарцIусса ттарцIруну хъанахъисса хасиятгу. Эбадатрайну цIакь хьусса хасиятрал хIасул дувайссар инсаннал оьрмулул тагьар, мукунсса инсан мяърипат, инсап, адав дусса...


Чак зия буваймур

Кьасттирай чаклил рукну, шартI кьадитарча чак зия шайссар. Ягу кьасттирай ххишала рукнурду дуварча: сужда-рукуъ куннасса, зия шайссар.   Кьуръан, зикри, дуаь дакъасса цамур гъалгъа кьасттирай барча зия шайссар. Кьасттирай хъян ивкIун, аьтIун ивкIун, цIуру-кIуру бувну, уф-агь увкуну, кIира...