Барча хьуннав байран!

Ххирасса уссурвал ва ссурвал!

ДакI Заннайнсса щукрулул дуцIлай дур уттигу ца Рамазан – рахIмулул, цIимилул ва марцIшиврул барз лахъан каши дуллусса.

Аллагьнал ﷻ кьамул даннав вай мубараксса гьантрай дурсса жула ххуйсса давуртту: зумарду, дуаьрду, чакру, хъинбаларду, цадакьарду, ссахIру. Багьана хьуну, дакIниймур щаллу буван къабювхъуминнангу чIа тIий ура ниятру кьамул дурну чири чичиннав, Заннал цIими ликканнав.

Ва зурул барачат жула дакIурдиву шинал мутталий личIаннав, ссавурданул, хIикматшиврул, аькьилшиврул, кьуватрал бакIщаращину лякъиннав. Жувагу, жула оьрчIругу Заннал буруччиннав циняв бала-апатIирттая, мусиватирттая, оьмур арх баннав, къатраву, кулпатирттаву дакьаву, паракьатшиву хьуннав.

Ва байран савав хьуну жула дакIру марцI хьуннав, уссушиву, цашиву цIакь даннав, куннан ку бувчIлай личIаннав, ттиния тинмай хъиннува ялув бавцIуну Исламрал тIалавшиннарду биттур дуллансса, хъинмунийн кIункIу хьунсса гъира багьаннав.

Барча Эд-аль-ФитIр – Зумаритавал байран!

ХIурматращал, Дагъусттаннал Муфтий, щейх АхIмад Афанди

2026-03-01 (Рамазан 1447 ш.) №3.

Хъус марцI дуван хъуслий закат ялув бувсса кунма, чурх марцI буван, зумалувусса диялдакъашивуртту кIучI дуван, зума АллагьначIа ﷻ кьамулну лякъин, зумаритавал ссахIгу ялув бувссар. Инсаннал дургьусса зума лухччи-ссавнил дянив дарцIуну дикIайссар, ссахI букканнин ссавруннайн...

Таваккулданул мяъна КIулну бикIияра, таваккул – му паракьатшиву дакъасса гьалакшивур ва гьалакшиву дакъанурасса паракьатшивур. Мунил мяънагу – ина буллугъшиврухгу, мискиншиврухгу ца куццуй уругавур. Щаллуну Аллагьнайн ﷻ вихшала диша, вила оьрму Заннайн тапшур бува щак къаувкуну, му...

АпатIру, дардру инсаннал оьрмулуву ччя-ччяни хьуна дакьай. Пашманмургу, ххаримургу жуйнна дияйссар Аллагьнал ﷻ чичрулийну. Мунияту, захIматсса иширавун багьсса чIумалгу куклушиву, бигьашиву Заннахь чIа учин аьркинссар. Цумур дуаьри дуккин аьркинсса апатIрая, мусиватрая буруччиншиврул?...

Аллагь Тааьланал Зумаритавал кьини даврин савав – ахиратлул кьини дакIнин дагьаншиврулли. Мунингу учайссар Эдрал кьини, куну. Гьарца Эдрал кьини дуркIукун, дунияллий халкь кув ххарину, кув пашманну, кув ххуйсса канай, ххуйсса ларххун, кув оьккисса канай, оьккисса ларххун, кув бахьтта, кув...

Мудан заралунния бурувччуну бикIаншиврул КIюрххил ва гьанттайннай шамилла дуккайссар ва дуаь: باسْمِ اللَّهِ الَّذي لاَ يَضُرُّ مَعَ اسْمِهِ شَيْءٌ فِي الأرْضِ وَلا في السَّماءِ، وَهُوَ السَّمِيعُ العَلِيمٌ «БисмиЛля́гьи ллязи́ ля́ язурру мааьсмигьи́ шай’ун филь-арзи ва ля́...

Барча хьуннав байран!