ИмцIаси цIа
Гьачам ца гечликьяна гIябидлис халиф Гьарун аль-Рашид къаршиикиб.
- Чинавад лявкьулри, архIяликьяна? – хьарбаиб илизи вегIбекIли.
- Жагьаннаблизивад, - викIар ил.
- Се барири хIуни илаб?
- ЦIабикьес цIа гIягIнибикили, нуни ита вякьи хьарбаибсири жагьаннаблизибтани набра цIа гес бирарал.
- Сасирив илдазибад цIа?
- Юх, илдала бекIли буриб чула имцIаси цIа агниличила. Гьайгьайрагу, нуни хьарбаира: «Сен?» Илини жаваб гиб: «Нушала имцIаси цIа агара, викIулрагу хIези, гьарил сунела цIаличил сай нушачи вашуси. ГIямрулизив сунени вируси кьяйда гьар бархIи хIиличил ва майъаличил цалабирхъуси».
Тамашавиубси халифличи хIерикIули гIябидли имцIабариб:
- ИшбархIи бунагь барадли, жагьаннабла ца цIа бикьурри, жагIял чи-биалра гьимукIахъирив – цархIил цIа, урхIла секIал касирив – халаси лами хIерли саби, хIера, илкьяйдали гIуррара…
