Салат «Африка»

ГIягIнидиркур: гIяргIяла диъ – 300 гр; киви – 1; гIинц – 1; гидгари – 3;

кореяла набадари – 150 гр; нуси – 100 гр; майонез – 3 халати кьулса; зе, исиут, кьар – бизидеш хIясибли.

Балкьарахъни: зукьити шиннизиб гIяргIяла диъ белхьи, бяргIяхъили, ургарти кесекуначи бурсили, кьямлизи къатличил кабихьая. Киви умубарили, кесекуначи бурсая ва гIяргIяла диъла чедибад кабихьая. Гидгури делхьи, дяргIяхъая, цIубаби декIардарая ва дурсили кивила чедирад кадихьили, къат чедибад майонезли бакая. Илала чедибад теркализибад дураибси нуси кабихьая. ГIинцби умударили, диштIати кесекуначи дурсили, чедибад къат кабихьая. Илдачи набадари кабихьили, гIуррара майонезли бакая. Беркес гьамадли биахъес, набадари кьисбарес вирар. Чедибад теркализибад дураибси гидгарила бухъутIа кабихьили, жагабарая, кьар имцIадарая.