Аллагьла ﷻ кьадарличи вирхни
ЧевяхIси Аллагьли ﷻ гьалахили балуси сай Сунени акIахъубтани дирути ва илдас насибти гьар секIал. Ва гьарил бируси баркьуди ва бетаруси секIал чIянкIли Аллагьла ﷻ Ахъриличибли ва Кьуватличибли саби.
Багьудлуми ахтардидарая:
- Чис балуси гьарил бетаруси секIал?
- Чила ахъриличибли детарути гьар секIал?
Суал – жаваб
- Аллагьла ﷻ разидеш сархес дигив?
Балагьуни дакIибхIели сабурбирен!
- Балагьуназивад верцес дигив?
Балга-дугя имцIадара ва садакьа бирен!
- ХIела гIяхIдешуни имцIадиубли дигив?
Аллагьлис ﷻ баркалла балахъен «АльхIямдулиЛлагь» викIули ва Илис шукру бирен гIяхIти баркьудлуми дирули!
Хъарбарибси хIянчи
1.Аллагьла ﷻ кьадарличила бура.
2.Аллагьлизи ﷻ тиладибирен балагьуназибад сабур.
3.Хъуммартид хIела гIямрулизир детарути гьар секIал хIед гIяхIдешлис диъни.
