Дурхъаси машина
Дурхъаси машина
Ца жагьси урши гIяхIси гьавличил, сегъунаял макьамра бучIули, сагаси, лямцIярбикIуси «Ягуарличив» гьунчивад ватихьилри. Илис гьунила мякьлаб биштIати дурхIни чебаиб. Илини машина багьлабарили, илди лебси мер алавбариб ва машина сагадан хъярхъбирухIели, машинализи чегибси къаркъала бакьиб.
Жагьил адамли машина тIашаили, дуравхъун ва ца урши хъямики уцили, тямхъярварили вявикIесвяхIиб:
- ХIяяагар! Сен хIуни дила машинализи къаркъа игьубри!?
Балулрив хIуни иш машина сецадлис бирусил?!
- Чевверхи набчивад, – биса гъудурси тIамаличил жаваб бедиб уршили, – дила пикри аги хIед ва хIела машиналис зарал барес… Дила узи чулахъ сай, ил коляскализивад увяхIикибхIели, нуни ахъуцес хIейубра. Нуша чумал сягIят гьунчир калунра кумекличи жидикIули, амма цалра машина тIашхIеиб. Дила цархIил бареси кахIелун къаркъа игьес ахIенси, цараван хIунира тIашхIейади…
Жагьил уршили чулахъ урши коляскализи катур, ва хIилхIи дакIибти биса тIашиули, илди гIягIниси мерличи баахъиб. ГIур илини сунела сагаси машиналичибси къел чебетаахъили хIербарили, ил някъли хIяршбариб.
Ил дахъал дусмазив ил машиналичив вашулри, ва ил балбарес дигути механикунас кьабулагардеш балахъулри. Ил илди уршбачира гьаман гьаввикIулри ва кумек гIеббиахъулри. Ил машиналичибси къелли илизи гьанбуршулри гьунчивси адам пикрихIерили ваталли, сунечи къаркъа урцни.
