Балга - дугIяби

Хъалибарг декIарбиркнила урехи акIубхIели, муруй ва хьунуй ЧевяхIси Кьудратла ВегIличи дугьабизурли балга барес бирар чула хъалибарг берцахъес багьандан.

ХIялани цIакьдируси балга-дугlя

«Дила Аллагь ﷻ, ишди хъали-цIа талихIчертили ва баракатчертили диахъа. Тилади саби, чIумабара илдала хъалибарг ва диги имцIадара. Гъай-мезлизибад ва фитнабазибад гьарахъбара.

ЦIакьбара, Аллагь ﷻ ил хъалибарг, ХIуни Адамлара ХIявалара (р.гI.), МухIяммад Идбаглара ﷺ Хадижалара (р.гI.), ГIялилара Фатималара (р.гI.) секьяйда цIакьбаририл, илкьяйдали. Дила Аллагь ﷻ, илдас баракатла биштIати, яшавла эркиндеш, гIеркъати ва талихIчерти гIямру деда. Я Аллагь ﷻ, нушаб иш дунъяличиб гIяхIдеш бархьа, ва гIязабтазирад дерцахъаба.

Мурул адамтас дугIя

«Я Аллагь ﷻ, Кьуръан нушаб иш дунъяличиб далилли, хIяблизиб жаваб лугусили, СиратIла гумиличиб нурла шалали, Кьиямала бархIи шапагIятли биахъа.

Я Аллагь ﷻ, цIакьбара дила ва хьуна (хьуна у буру) ургабси диги ва цала цаличи дигай умутили ва цIакьтили диахъа Кьиямала бархIи сабаайчи.

ЧIумадара илди дигай ЧевяхIси Аллагьли ﷻ билшуси цIа абулкахъухIели кьяйда».

Хьунул адамтас дугIя

«Я Аллагь ﷻ, ну дила мурулла хIулбазир жагарараба, илала уркIилизи набчи диги хьурадара ва имцIадара. Наб илизибад адабчебси наслу кьадарбара. Я Аллагь ﷻ, нушани тиладибирулра ХIези, жаваб чарбара нушаб, ХIуни чеасили кьяйда. Я Аллагь ﷻ, ну дила мура хIулбазир нурла шалали ретаахъаба. Амин, я Аллагь ﷻ!»