Авал шям

БацIси хъулир авал шям ухулири.

Цаибил шям бикIар:

-        Ну - дунъя сабра. Амма наб чилилра кумекбирули ахIен ну ухахъес. Ил багьандан ну бусягIят билшулира...»,

- ва бишун.

КIиибил шям бикIар:

- Ну - бирхауди сабра. Амма ну пайдаласира или гьанбиркули ахIен, ил багьандан ну ухнилизиб хIяжатдеш чебиули ахIенра...», - ва бегIлара гIергъи лямцIбухъи, бишун.

ХIябъибил шям бикIар:

- Ну - диги сабра. Амма дила цIакь кали ахIен алавси дунъя шалабирес. Адамтани ну даим къужбирулра. Илдани бегIлара гъамтира бархли хIейгахъанбирули саби...», - ва лехIдешлизиб илра бишун.

Ил манзиллизив ил хъули виштIаси дурхIя ацIиб, илаб цIяблири. Сен тамандиайчи хIедуи, илди шямани дишунтил багьурли, симкьикIесвииб. ИлхIели илини малхIямси авъибил шямла тIама бакьиб:

- УрухмакIуд, ну ухули лебалли, цархIилтира адалкес вируси сай, ва илдани цIябдеш шалабиру. СенахIенну ну - умут сабра!

Уршила хIулби лямцIдухъун, илини ил шям касили, цархIилти шяманира адалкун ва хъали шалабариб.

ЦацахIели адамла гIямрулизиб бекIлибиубси умутцун бирар…