бекlлибиубси бяхlличи чарухъес

БебкIа сегъуна сабира?

БебкIа сегъуна сабира?

ГIябдуллагь ибну ГIумарли бурули сай: «Дила дудешли гьаман ирули вири: «Марлира ну тамашавирули вирусра, гIякьлу бетхIехъили левси, лезми бузуси, гъайвикIес вируси адамли, бебкIала тяхIяр бурес сен хIейрусира или». БебкIара гьарилличи лябкьуси анцIбукь саби. Дила дудешра бебкIала дазурбачи викибхIели, илала гIякьлу лебалли, сай гъайвикIес вирули левалли нуни хьарбаира: «Я дила дудеш, хIу викIули виради, гIякьлу лебли, лезми бузули, гъайвикIес вирули левалли бебкIала тяхIяр бурес хIейруси адамличи тамашавирули вирусра или». ИлхIели дудеш викIар: «Марлира бебкIа дебали халаси анцIбукь саби, сабира чилилра бурес хIейрар, амма нуни хIези бебкIала камси бутIа бурисра. Аллагьла ﷻ уличибли хъя бирулра, Радлара, Тигьаматлара шурми дила хъуцIрумачи чедикибтигъунти сари, дила рухI буребала тIярхъиларад дурадулхъутигъунти сари, дила кьаркьа бухIнала низбани бицIибсигъуна саби, зак ванзаличи кабикили, ну чIянтIкаибсигъуна сайра...».

2026-02-01 (ШягIбан 1447 д.) №2.


Жагьти бургъанти

Аллагьла Расулли ﷺ бегI гьалаб Маккала халкь ислам динничи жибарибхIели ва къанчанас суждабирахъес къадагъабарибхIели, илис илала гъамтира бархли душманти бетаур. Илдани илис ва илала асхIябтас къияндешуни алкIахъес бехIбихьиб.   Идбагдешла 13 – эсил дуслизиб сунела асхIябтачил варх ил...


Сагабарая буркьунза

Имам аль-Бухарила ва имам аль-Муслимла дурхъати хIядисунала дабзти жузазиб бегIлара гьалабси мерличибси хIядислизиб бурили саби: «Гьалжанализи хьурахIейру сунела тухумтачил бархбас къяббердахъибси». Тухумтачил бархбас хIебузахъни бусурман диннизиб халаси бунагьлизи халбирули саби....


Гьарун Идбаг

Гьарун ГIимранна урши сай. Илала насаб Якьуб Идбагла урши Лавичи абиуси саби. Гьарунна идбагдеш илала узи Мусала идбагдешличил чIумали дархдасунтири.   Египетлизиб зубартас ва канчанас сужда бирути египетлантани бекIдеш дирес бехIбихьиб. Илди Израилла халкьличи мучлаагарли хIербикIутири ва...


Капусталичилси салат

ГIягIнидиркур: Капуста – 400 гр; Хияр – 2; помидор черри – 5; гIяргIяла диъ – 200 гр; шиниша хъарала тIакьа – 1; зе, исиут, кьар, майонез – бизидеш хIясибли. Балкьарахъни: Капуста бурсая ва зе какьурли кIантIибиахъес някъбани гъяжбарая. Гьалахили белхьи,...


Низигъарила чяй

Дерубти яра зярхIти низигъарила 1 халаси кьулса; Шин – 500-700 мл; Варъа – 3 чяйла кьулса; Лимон – 3 кесек. Ружери бакIахъибти шин низигъариличи кертIили, чяй 10 минутцадхIи кIапIдарили датирая. КертIили гIергъи ванати чяйлизи, бизидеш хIясибли, варъа ва лимон бархаая....