Дабри
КIел адам сагати дабрумачил мижитлизи бакIиб. Цаибилли илди чердатурли, унзала мякьла кадихьили датур ва ухIнаухъун. КIиибиллира чердатурли, цаличи ца лутIигьабли кадихьиб ва шалкIу дуцили ухIна ацIиб. Ила кабиибтани илдани барибси чебаили, сабиургаб жал акIуб, ва чидилли бархьси барилил ихтилат бемжахъур.
- Дабрумачил ахIецIили, илди унзала мякьлар даталли се бетаруси? – викIар ца.
- Илини илди дурхъаси мерличила гьанбиркахъес дарх касибти дургар, - викIар кIиэсил. ХIера, илди адамти дехIи-балара дарили кьакьализи дурабухъунхIели, хIербикIутани итдилтази се пикриличил илкьяйда барибсирил суал бедиб.
Цаибил викIар:
- Нуни дила дабри унзала гIелар датуртири, рахли чи-биалра илди дигIес хьулухъаллира, илини сунела бунагьласи пикри батахъес имкан бедес багьандан. Эгер илини ил пикри батес хIейубли, сеналра дигIялли, дабри илис калаб, наб биалли ахиратла гIямрулизиб гIяхIдеш камхIебирар. Иличи лехIбизурти тамашабиуб, ил сунела лебдешличила пикрихIейкIули, бетаурсиличи баришвиэс хIядурхIели.
КIиибил викIар:
- Нуни дила дабри дарх касибтири, сенкIун илди чизи-биалра хIедигIяхъес багьандан. Рахли хIяздухъи дигIялри, илини нура Диванна кахси бархIи сунела такьсирла вархкья вираси. Иличи лехIбизуртани илала пикрира бархьли биъни марбариб.
АСХIЯБТАЛА ХАБУРТАЗИБАД
