Сән јахшы анасан – зәриф, инҹә чијинләринә дағлары јүкләмә
Гадынларын хүсуси зәифлији вар: һәр ҝүнү өлмәјиб сағ галма, јашама марафонуна чевирмәк.
Сәһәр дурмаг, сәһәр јемәји, ону-буну јығышдырмаг, һазырламаг, мәктәб, дәрнәкләр, шам јемәји, палтар јумаг, еви сәһмана салмаг...вә бунларын һамысы о һислә едилир ки, даһа чох, даһа јахшы, даһа дүзҝүн еләмәк лазымдыр. Әҝәр алынмајыбса, - демәли, һардаса нәјисә унудуб. “Мән пис анајам”, - дахили сәс пычылдајыр. Анҹаг бу, тәләдир. Вә демәк олар ки, һәр гадын ораја дүшүр.
Бахын: ахы һеч ким биздән тәләб етмир ки, биз ејни заманда идеал евдар гадын, педагог вә психолог олаг. Биз өзүмүз һесабсыз “мәҹбурам”лардан өзүмүзә дағлар тикир вә онлары чијинләримизә галдырмаға чалышырыг. Тәәҹҹүблү дејил ки, белә јүк алтында нәфәс алмаг ағырдыр.
Јахшы ана – еви хәтдә сахлајан ана дејил. Рәфдә тозу сабаһ силмәк олар. Лакин инҹимиш ушаг гәлбини сағалтмаг артыг чәтиндир. Јахшы ана – һәр шеји вахтында баҹаран дејил. Һәјат һәмишә биздән сүрәтли олаҹаг. Әсас – сүрәт дејил, иштирак етмәкдир. Идеал сурәтдә планлашдырылмыш ҝүндән даһа чох ушаға сәнин бахышын вә диггәтин ваҹибдир. Јахшы ана – севәндир. Севҝи – ҝурултулу сөзләр вә сосиал шәбәкәдә фото дејил. Бу одур ки, көрпәләр билирләр: онлары һәр ҹүр гәбул едәҹәкләр - һај-күјлү, гулаг асмајан, јорғун.
Проблем онда дејил ки, гадынлар аз иш ҝөрүрләр. Проблем ондадыр ки, һәддиндән чох еләјир вә ејни заманда өзләрини гијмәтләндирмирләр. “Мән јорулмушам”, - дејиб етираф етмәк мәҝәр зәифликдир?. Јох, бу дүрүстлүк, доғрулугдур. О да ушаглара лазымдыр – анасыны сыхылыб сују чыхардылмыш лимон кими дејил, сағ ҝөрмәк.
Ев – сәрҝи залы дејил. Орада ҝүлүшә, ҝөзләнилмәз һадисәјә, һәтта гајдасызлыға, сәлигәсизлијә дә јер олмалыдыр. Гој шорба садә, ојунҹаглар јердә, вә паш-палтар зәнбилдә олсун. Әвәзиндә өпүшә, сәмими сөһбәтә вә ушагларын бүтүн өмрү боју үрәкләриндә ҝәздирәҹәкләри һәмин “мән сәни севирәм”ә ҝүҹ чатар. Даһа бир мәгам: өзүнү мүгајисә етмәкдән әл чәкин. Һәр бир аиләнин өз ритми, өз хасијјәтләри, өз сынаглары вар. “Дүзҝүн аналығын” идеал ресепти јохдур. Јалныз Аллаһ-Тәаланын сизә вердији өз јолунуз вә мәһз сизин үчүн сечилмиш өвладларыныз вар.
Јахшы ана – мифик, ујдурма “идеал гадын” дејил. Бу – јанымызда олан гадындыр. Әлләриндән чөрәк вә сабун гохусу ҝәлән, гәлби исә истиликлә ишыгланан гадын. Вә унутмајын: аналыг – ибадәтдир, Һәр бир јухусуз ҝеҹә, меһрибанлыгла силинмиш көрпә ҝөз јашлары, һәр бир сәбир – бунларын һамысы ибадәт кими јазылыр. Һәтта әҝәр сизә елә ҝәлирсә ки, ҝүн бош-бошуна кечиб, мәләкләр сизин сәјләринизин һәр зәррәсини гејдә алырлар.
Аллаһ ﷻ өвладлары сизә тәсадүфән вермәјиб. Онларын анасы олмағы мәһз сизи сечиб. Вә сынагла бирликдя ҝүҹ вериб ки, сиз бәзән ону һеч зәнн етмирсиниз. Өз инҹә чијинләринизә дағлары гојмајын. Гој сизин өвладларыныз һәмишә јорулан ана һаггында јаддашла дејил, јумшаг гуҹағы, хејирхаһ ҝүлүшү вә севҝи долу гәлбли ана хатирәләри илә бөјүсүнләр. Ахы, гадынын ҝүҹү дә мәһз бундадыр - нөгсансызлыгда јох, онун өз аиләсинә бағышладығы ишыгда.
