Евдар гадын јохса ханәнишин гадын?

әввәли гәзетин өтән сајында

Евдар гадын дизајнер вә моделјер олмалыдыр, чүнки мәһз о һәлл едир ки, һансы пәрдәләр мәтбәхә, һансы - јатаг отағына јарашар, һансы рәнҝдә сүфрә вә ја дивана өртүк, ушаг үчүн һансы палтар вә ја костјум алмаг лазымдыр, әрин бу вә ја диҝәр костјумуна исә һансы галстук даһа ујғундур.

Бүтүн аилә үзвләринин сырф физики еһтијаҹларындан әлавә - јемәк биширмәк, јумаг, тәмизләмәк онларын мәнәви тәләбатына да гајғы ҝөстәрмәк лазымдыр. Вә бурада гадын дәрһал психолог, аилә мәсләһәтчиси, дајә вә ушаг бағчасы тәрбијәчиси, мүәллим вә репетитор (өјрәдән) олмалыдыр. Ушаглар кичик икән инадлы диггәт тәләб едирләр - вахтында једиртмәк, палтарыны дәјишдирмәк, чимдирмәк, јелләтмәк. Сонра онлар бөјүјүр вә әтрафдакы дүнја илә марагланмаға башлајырлар - вә анадан башга ким чохсајлы суаллара ҹаваб верәр, китаб охујар, дизини сындыранда тәсәлли верәр, баҹы-гардашлар ојунҹағы бөлүшә билмәјәндә барышдырар, дәрсләри һазырламаға көмәк едәр, рәфигә вә ја достла неҹә мүнасибәт гурмағы мәсләһәт ҝөрәр. Бунунла белә һәјат јолдашы вә ата да һәјатында чәтин дөвр кечирә биләр - иш иткиси, коллективдә мүрәккәб мүнасибәтләр, вәзифәнин дәјишмәси илә бағлы, вә бурада ағыллы вә нәзакәтли гадын инҹәликлә јахшы мәсләһәт верә, дәстәкләјә, илһамландыра вә сакитләшдирә биләр.

Евдәкиләрдән кимсә вә ја һәтта һамысы бирликдә хәстәләнәндә, мөвсүми грип епидемијасы баш верәндә ана исти ички вә пәһриз гидасы һазырламалы, һәр кәсин дәрманларыны гәбул етмәсини тәмин етмәли, температуру өлчмәли вә һәким ресептләринин галанларыны да ҹидди шәкилдә јеринә јетирмәли олан ев һәкими вә тибб баҹысы олмалыдыр.

Үстәлик, бүтүн валидејнләрин өвладларынын тәкҹә сағлам вә савадлы дејил, һәм дә диндар инсанлар кими бөјүмәсини истәдикләри дини аиләдә, ушагларына илк дин вә әхлаг дәрсләрини мәһз ана верир - чүнки ата евдән кәнарда аиләнин рифаһыны тәмин етмәклә мәшғулдур. Мәһз ана илк дуаны өјрәдәр вә неҹә намаз гылмағы вә дәстәмаз алмағы ҝөстәрәр, Гуранда илк һәрфләри ҝөстәрәр, сәһәр намазына әр вә ушагларыны вахтында ојадар, илк һиҹаб вә илк арагчыны һәдијјә верәр. Һијләҝәр вә јалан данышмағын, зәифләри инҹитмәјин вә дөјүшмәјин, кобуд вә пис данышмағын јахшы олмадығыны, вә әксинә, бөјүкләрә һөрмәт етмәли, кичик гардаш вә баҹылара гајғы ҝөстәрмәли, инҹијәнләр үчүн ајаға галхмалы олдуғуну изаһ едән мәһз анадыр.

Ејни заманда белә вәзијјәт јарана биләр ки, гадын да ишә ҝетмәли олаҹагдыр - чүнки әрин маашы бүтүн еһтијаҹлара чатмыр вә ја әринин ағыр хәстәлији вә ја гәза, бошанма, еви доландыран иткиси сәбәбиндән. Ја да елә ола биләр ки, ушаглар артыг бөјүмүш вә даими диггәт тәләб етмирләр, вә гадын да һәјатда нәјәсә наил олмаг истәјир - јени пешә мәнимсәмәк, бәзи баҹарыглара јијәләнмәк, өз ишинә (бизнесинә) башламаг, јахшы ки, мүасир технолоҝијалар буну һәтта евдән чыхмадан да етмәјә имкан верир. Бурада гәбаһәтли һеч нә јохдур - әксинә, әҝәр бу, аилә вә онун мараглары наминә едилирсә, тәгдирәлајигдир.

Анҹаг бунунла белә бир нечә мәгамы јадда сахламаг лазымдыр. Јени пешә, елми дәрәҹә, јахшы мааш өз-өзүнә һәдәфләримиз олмамалыдыр.

Гадын кими бизим дәјәримиз маашымызын мәбләғиндән, нечә диплом вә елми ад алмағымыздан асылы дејил.

Әҝәр гадын арвад вә ана ролуну баша дүшә вә гијмәтләндирә билмирсә, бу нә ајрыҹа аиләјә, нә дә бүтөвлүкдә ҹәмијјәтә фајда ҝәтирмир. Евдар гадыны гул, кәниз кими ҝөрмәк - ахмаглыгдыр.

Ејни шеји башга стереотип һаггында да демәк олар: әриндән бүтүн ширәләри соруб чыхаран вә ҝүнләрини рәфигәләри илә деди-году илә вә сериаллара бахмагла кечирән тәнбәл, мәһсулдар олмајан гадын кими евдар гадын һаггында. Тәәссүф ки, бәзән бәзи кишиләр өз арвадынын вахт кечирмәсини мәһз бу шәкилдә тәсәввүр етмәјә мејллидирләр: әҝәр о ишләмирсә, демәли онун иши кишинин иш јүкү илә һәтта мүгајисәјә белә ҝәлмир. Бу да һәмчинин бөјүк сәһвдир.

Ев ишләри - көләлик дејил. Ев ишләри ҝөрмәк - дарыхдырыҹы, мәнасыз ҝүндәлик, зәһмәтинә дәјмәјән гара иш дејил. Ев ишләри ҝөрмәк - ев гурмагдыр.