Бир даһа Шәввал ајында оруҹ һаггында

Мүсәлманларын чоху оруҹлуг ајы гуртарандан сонра Рамазандан габаг јашадыглары ади һәјат тәрзи илә јашамаға башлајырлар ки, әлбәттә, дүз дејил, чүнки Аллаһ-тәала тәрәфиндән мүсәлманын оруҹларынын гәбул едилмәсинин әламәти Рамазандан сонра онун јахшы тәрәфә дәјишмәси, әввәлләр етдији ҝүнаһлардан әл чәкмәји вә Рамазандан габаг олдуғундан даһа да чох ибадәт етмәсидир.

Аллаһ Рәсулунун сүннәтләриндән бири Рамазанын ардынҹа (бајрам ҝүнүнү бурахараг) Шәввал ајынын 6 оруҹуна риајәт етмәкдир. Рәсулүллаһын һәдисиндә дејилир: “Бүтүн Рамазаны оруҹ тутан, онун ардынҹа исә Шәввалын 6 оруҹуну да тутан бүтүн ил әрзиндә оруҹ тутана бәрабәрдир” (Әһмәд 5/417, Мүслим 2/822, Әбу Давуд 2433, әт-Тирмизи 1164). Бу онунла изаһ олунур ки, Аллаһ Гуранда дејир ки, һәр бир јахшы әмәлә ҝөрә әвәзини он гат верәҹәкдир. Буна ҝөрә дә Рамазанын 30 оруҹу мүкафатына ҝөрә 300 оруҹа, Шәввалын 6 оруҹу исә 60 оруҹа бәрабәрдир, ҹәмиси 360. Шәфии мәзһәбинә әсасән Шәввал ајынын оруҹларыны далбадал (бир-биринин ардынҹа) гылмаг јахшыдыр, Һәнәфи мәзһәбинә ҝөрә исә – ајры-ајры, һәфтәдә ики оруҹ. Шәввал ајында оруҹ үчүн белә нијјәт едилир: “Мән сабаһ Аллаһ хатиринә Шәввал ајында оруҹ тутмаг нијјәтиндәјәм”.

Кимин Рамазан ајында фәрз бурахылмыш оруҹлары варса, сүннәт оруҹларыны тутмаға һаггы јохдур. Онларын әвәзинә о, фәрз оруҹлары бәрпа етмәклә мәшғул олмалыдыр. Илаһијјатчылар дејирләр ки, әҝәр бурахылмыш фәрз оруҹлары оруҹ тутмаг арзу олунан ҝүнләрдә тутсан, Аллаһын мәрһәмәти илә сүннәт оруҹуна олдуғу кими дә мүкафат алмаг олар. Әзиз гардаш вә баҹылар, белә бөјүк мүкафата наил олмаг шансынызы бурахмајын! Чүнки биздән һеч ким билмир ки, һәјатында даһа бир Рамазан вә Шәввал она нәсиб олаҹагмы. Гој Аллаһ-тәала бүтүн оруҹларымызы гәбул еләсин, бизә онлара вә диҝәр хош әмәлләримизә ҝөрә дәфәләрлә әвәз версин вә бүтүн ҝүнаһларымызы бағышласын, неҹә ки бу, Рамазанда оруҹ тутанлара һәдисләрдә вәд едилмишдир! Амин.