Суратул «Ихласалъул» хиралъи
Суратул «Ихласалъул» хиралъи
Аллагь разилъаяв Жабирица бицараб кьучIаб хIадисалда буго: «Щив чи вугониги жинца къойида жаниб 50 нухалъ Суратул «Ихлас» цIалун, гьесде къиямасеб къоялъ ахIулила, мун тIаде вахъа, жинца Аллагь веццарав ва алжаналдеги лъугьаян.
Аварагас цо къапила битIанила сапаралъ, гьезул имамас щибаб ракагIаталда АлхIамалда хадуб Къулгьуги цIалулеб букIанила. Гьел сапаралдаса руссиндал, гьезул имамас гьабураб аварагасе бицанила.
Аварагас абунила нужеца гьесда цIехейин щай гьес щибаб ракагIаталда Къулгьу цIаларабин абун. АсхIабзабаз цIехедал, гьес абунила Къулгьу бугин Аллагьасе сипат гьабулеб сура, гьединлъидал бокьулин гьеб цIализеян.
Гьесул жаваб рагIидал, аварагас абунила, нужеца гьесда бицейин гьев Аллагьасе вокьулеблъиялъул рохел. Хириял диналъул вацал ва яцал, суратул «Ихласалда» жаниб буго 47 хIарп ва щибаб хIарпалъул кириги бащалъула анцIгоялда.
ХIасил - цо нухалда гьеб цIаларасе 470 кири щолеб буго. Какилъ цIалараб Къуръаналъул кири гIемерго цIикIкIунинги абун буго ГIали асхIабас.
Аллагьас нилъ гьареги цIалараб Къулгьуги Къуръаналъул цогидал сурабиги цIикIкIун къабуллъараздасан ва гьеб сабаблъун Аллагьасе рокьулездасан.
МУХIАМАДХIАБИБ САГIИДОВ, Какилъ цIалараб Къуръаналъул кири гIемерго цIикIкIуна... ГЪУНИБ РАЙОН, КIУЯДА РОСУ.
