Аслияб гьумералде

Гьилиса ХIафиз-хIажи

Гьилиса ХIафиз-хIажи

 

Цинги лъун буго гьелъ васасда инсул цIар. Гьей кколей йикIун йиго Кудалиса ХIасанил яц, аварагасул ﷺ наслуялъул чIужу. Имам Шамилица Гъуниб магIарда ахирисел къоял тIамулелъул МухIаммадил букIун буго лъабго сон. МухIаммад жиндирго эбелги, эбелалъул эбелги бесдал кIудияй яцгун асирлъуда рукIун руго гьеб заманалда. Асирлъудаса риччайдал, Кудалире яги цогидаб бакIалде ине къабуллъичIого гьез тIаса бищун буго ХIотIочIиб росу.

МухIаммад гьитIинал къоязго вукIун вуго хIикматав вас. Цо нухалда, анлъго сон барав гьев, кодове щоларого ахIи-хIур бахъун гIезегIан валагьизе ккун вуго. Ахиралда гьев ватула хабалалъ, «Я Аллагь, гьари буго Дуда, дун жужахIалде витIуге», - ян абун гIодулев.

ГьитIинго байбихьана гьес мадрасалда цIализе. Пуланаб бакIалда вукIаго гьесда цадахъ ккун вуго жиндиргун гIамал рекъарав мутагIил. Циндаго гьев вас унтун ва хун вуго. Гьеб кутакалда захIмалъарав МухIаммад, гьадигIан дагьаб дунял жиндие хIажат гьечIинги абун, бозил ретIелги ретIун, гIелмуялде машгъуллъун вуго.

Нижер росулъ буго «Гъогъол рохь» абураб бакI. Гьенив чIун лъазабун буго гьес Къуръан рекIехъе.

Жиндирго лъимал рукIинчIолъиялъ гьес гIемерал гъутIби чIолаан. Гьес абун буго васасул бакIалда 200, ясалъул бакIалда 100 гъветI чIезе кколин. Ах-хуралъухъ валагьизеги гьесие кутакалда бокьулаан. Гьес абулаан ахикье, хурире щибаб къойил щвезе кколин, нилъ балагьанагIан гъветI-херги кIудияб гIолин, чIагояб жоялдего гIадин хур-хералъеги бербалагьи къваригIунин. ХъахIаб ахбазаналда гьес абулаан гьаб бугин кинабго пихъил паччахIилан.

Гьес жиндирго харжалдалъун бан буго росу бакьулъ гьитIинабго мажгит. Нижер росулъа кулакал ругилан ккун ана кIиго гIалимчи. ХIафиз-хIажияв кквезеги чанго нухалъ хIалбихьун буго. Рукъалъул кIалтIе щолаго рагIулеб букIун буго Къуръан цIалулеб гьаракь, жанире лъугьиндал щивго ватулев вукIун гьечIо. Ахирисеб нухалъ КГБялъулал рачIунаго, яцалъул васасда рагIун буго гьес Аллагьасда гьарулеб гьезухъе щвезе течIого жиндир рухI босеян ва заманго гьоркьоб инчIого гьев Аллагьасул къадаралде щунги вуго.

 

 

М. ГIалиева

 

2026-08-15 (РабигIул аввал 1448 с.) №16.


Муфтияталда данделъи тIобитIана

Дагъистан Республикаялъул муфтияталда тӀобитӀана идарабазда гьоркьосеб данделъи. Гьелда гIахьаллъи гьабуна муфтияталъул вакил ИсмагӀилов Мурадица, ГӀалимзабазул советалъул председателасул заместитель КъахIиса МухӀаммадица, Россиялъул МВДялъул Северияб Кавказалъул федералияб округалда бугеб бетӀераб...


Риидалил курсал ва торгIо хIай

1 августалда Шамил районалъул ХӀотода росулъ тӀобитӀана риидалил курсазде хьвадулел лъималазда гьоркьоб мини-футболалъул рахъалъ турнир. Къецазда гӀахьаллъана 13 соналде щвезегӀан ригьалъул лъималазул командаби. Турниралъул хӀаси-лалда тIоцебесеб бакI ккуна ТӀидиб росдал командаялъ, кIиабилеб бакӀ...


КигIан лъикI букIинаан…

Гьале тIаде щолеб буго хирияв МухӀамад ﷺ аварагасул моцӀ ва жиндилъ гьев гьавураб моцӀ. КигӀан лъикӀаб букӀинаан нилъее гьеб моцӀ цогидал моцӀаздаса цӀикӀкӀун хӀаракат бахъани гьесул гӀумруялъул, биографиялъул лъазабуни. Гьединлъидал жакъа байбихье гьал мухъаздасан.   Аварагасул ﷺ берцинаб...


Мажгиталъул азбаралда – ярмарка

МахӀачхъалаялъул Централияб мажгиталъул майданалда тӀобитӀана риидалил лъай кьеялъул курсазул гӀахьалчагӀаз ва гьезул эбел-инсуца гӀуцӀараб лъималазул ярмарка. Ярмарка гӀуцӀаразул цоялъ бицана: «Лъималазе унго-унголъунги бокьула гьадинаб ахӀвал-хӀал. Нижер расги ракIги бухIичIо гьаниб...


Аллагьасул ﷻ баракатаб сайигъат

ТӀадегӀанав Аллагьас инсанияталъе гӀемерал пайдаял пихъал рижун руго, гьезда гьоркьоб хасаб бакӀ ккола цӀибилалъ. Гьеб пихъ некӀсияб заманалдаса нахъе гӀадамазда лъалеб букӀана ва чанго нухалъ рехсон букӀана Хирияб Къуръаналда Аллагьас жиндирго лагъзадерие кьурал кӀудиял нигӀматазул...