Ахирзаман
Гьанже ругел кутуца чедцин кваналеб гьечIо,
Чури гьекъолел гIачи гIемерал хутIун гьечIо.
Гьадин хун дунял буго, ццулъун гIаламги буго,
Баркат гьечIолъи щвелин щолеб ракIалде гьечIо.
ЧIаго хварал гIадамаз гIалимзабиги какун,
Как базецин лъаларел лъида кIалъалел ругел?!
МутагIилзаби какун, кумалаазде кIалъан,
Лъайго гьечIеб къавмалъе лъай кье, вокьулев Аллагь.
ТIЕЛЕКЬА ШАМИЛ КЪЕБЕДОВ
